序
去咗連續幾次日本，日本大部份嘅地方都去晒，團友又話唔想再去日本，所以就去下D歐洲地方。好想去瑞士，但係瑞士自駕似乎唔係幾方便，因為大部份嘅都係玩鐵路，重有有D地方直頭係唔俾外界車入，要搭火車入去，要去瑞士自駕睇來要搵多D資料先得。歐洲其實好多地方都去咗，除咗今次北歐，不過搵資料個時又發覺我哋呢段時間去好似係無嘢睇，又有機會揸車上唔到去最北嘅地方睇極光。不過，最後都係揀咗北歐三個國家，分別係瑞典、丹麥同埋挪威。三個國家入面最無嘢睇係丹麥，因為除咗係哥本哈根有嘢睇，就係睇呢個LegoLand…but我哋去個時佢係關門大吉，下年再開嘅，但係又俾我搵到佢哋開咗個Home of the
Brick : Lego House喎，諗住好嘢都有得睇，點知由丹麥Hirtshals過去挪威嘅Kristiansand嘅船公司由三間變咗得一間，去到挪威下午三點半，重要揸多成4個鐘先到Stavanger，所以就即改行程~~~
今次北歐三國，好似真係無咩嘢睇到，最大景點報道石，去到天氣又唔好，重要封咗無得行埋去，因為Tom Cruise拍Mission
Impossible。跟住成程嘅天氣都唔係幾好，去到最後個幾日，直頭係下午兩點半就日落~~~不過諗返起之前去歐洲都好似係咁，無咩嘢睇~~~不過挪威係可以再去，因為我哋只係去咗一小部份。出年3月又有一個長假，搵下有咩地方去先~~~
沒有留言:
發佈留言
來到留返句說話先走啦...