Day 4 8/8/2017 星期二
鳥取県 > 桃茂実苑 > 岡山県桃茂実苑直売店 > Lunch@お好み焼き ほり - 日生/お好み焼き > 岡山後楽園 > 岡山城 > ダイワロイネットホテル岡山駅前 > 岡山一番街・さんすて岡山
> イオンモール岡山Aeon Mall 岡山 > ダイワロイネットホテル岡山駅前 >
宿: ダイワロイネットホテル岡山駅前(MC: 19 890 323*52)
今日我哋要早出發，因為去呢個岡山県桃茂実苑到摘桃，車程都幾長下，所以我哋又係酒店開始提供早餐就去食，呢間酒店嘅早餐都OK。
我哋0810到出發，本來預計嘅車程係要2個幾鐘到就到，但係有D路封鬼咗，搞到要行山路，最後要揸咗成3個幾鐘先到。途經OK便利店，就去方便一下。
去到呢個桃茂実苑，已經有幾間車泊咗係到，重聽到有廣東話，原來呢個位又有香港人來。來呢個桃茂実苑可以預先預約來摘桃，因為預約係會有九折嘅。
登記完就等人帶去摘喇，不過去到睇到帶我哋去摘D桃唔係好大個，有團友話佢之前係另外一個縣摘個D大個好多，唔知係唔係水尾兼，所以細個D呢?!摘完之後，就可以去食。呢到包咗每人兩個桃，佢哋果園揀個D都幾甜同埋幾大個。我哋摘個D唔係好大隻，果園入面有個婆婆見到就幫我哋換，舊一代嘅日本人真係好，因為佢哋覺得買得俾客人嘅就要係好嘅出品，因為我見到個婆婆同一個後生嘅女仔講完一大輪嘢之後就自己行咗去果園到摘咗幾個桃返來換俾我哋!!我哋又係果園到買咗4個桃，只需要 ¥1,000 咋，真係好抵 !!
食完我哋就去咗呢佢哋間直売店到睇下有無嘢買，呢到網上面有人推介要食佢哋嘅白桃肉的雪糕，我哋見個個收費表見到有白桃雪糕就指要你一款啦，點知食食下又唔覺有白桃肉喎，我諗我哋應該係叫錯咗~~~試唔到添~~~我哋又係呢到買咗睛王提子試下，我就真係未食過，但係團友話香港好貴同埋好好食，好食過香印喎~~~但係要 ¥5,500 ，不過係香港應該係用唔到呢個價錢去買 !!
玩完食完我哋就去食返個妟仔先，係網上面見到有個台灣人講有間食煎蠔餅嘅好好食，重要係排隊舖來嘅，咁我哋梗係去試下啦。不過其實呢一間食店，唔係好順路嘅，我哋係專登揸過去食，如果唔好食就真係要俾返個”1”佢先得~~~不過去旅遊主要係咩呢，咪就係食、玩同瞓囉….
我哋由直売店去呢間食店都用咗成45分鐘，GPS話要30km到啦。我開頭搵呢間食店，重周圍搵下佢附近有無得免費停車，搵到附近有一個超市，應該可以免費泊嘅，不過要行返差不多3-5分鐘先到間食店。原來呢一間食店有停車位可以俾食客泊車個喎，我見到之後就去泊返架車去個停車位到。我哋去到個時都成差不多1330啦，應該係過咗最繁忙嘅時間，所以入到去得個一兩枱客係到。我哋叫咗個煎蠔餅、蝦肉餅同埋煎蠔，D蠔真係好鮮甜，所以我哋又再叫多一次個煎蠔。
食完我哋就去咗岡山後楽園，我哋係入去之前買咗個雪糕食，又係係網上面有人講話呢一檔嘅雪糕好Creamy 好有牛奶味，不過呢一支雪糕就要¥900，但係都真係幾重牛奶味同埋真的好Creamy。入到去呢個岡山後楽園個時個天有好多雲，影相唔係幾靚，如果有藍天白雲就正好多啦。岡山城我哋無入到去睇，只係係外面影完相就算。呢個景點都幾多外國遊客，可以係日本三大名園呱~~~
之後就去咗酒店 Checkin ，今晚我哋就係住呢個 Daina Roynet，之後去日本都成日見到呢一間酒店，不過佢好快就會Full Book，重要價錢唔平，唔知點解，其實我嘅感覺佢同 DormyInn差不多。其實呢一次旅行我每日都Book咗兩間酒店，不過有團友住完 SuperHotel 一晚之後就話好細間，咁所以之後嘅商務酒店全部都取消晒，因為佢哋應該係住唔慣D商務酒店。呢間酒店係無自己嘅停車場嘅，只得D契約停車場，重要係對面，不過叫做幾近，但係落雨就會麻煩D。
Checkin完就去行街，我哋去咗附近嘅岡山一番街・さんすて岡山到行。呢個岡山一番街真係幾多嘢行，行行下見到有白桃汁買，我哋又買來飲下，無想像中咁好味，但OK喇~~~行行又見到有刨冰食，我哋有食下，順便休息下。跟住就去行呢個Aeon Mall，嘩~~呢一個Aeon Mall真係好大。行行下見到間麵包店唔知點解好多人喎，原來係有特價，我哋又買幾個來試下，日本D麵包真係幾好食。
最後我哋搵咗一間拉麵店イオンモール岡山店 小豆島ラーメンHISHIO食晚餐，然後就返酒店休息，因為行到好攰。順便食埋D桃同埋睛王，D桃無係果園到食嘅咁甜，至於抽睛王呢，都係無咩特別，有團友話佢上次食好好味架，呢一抽可能係未夠熟都唔定 !! 聽日車程就無咁遠，所以就唔洗太早出發 !!
桃茂実苑直売店 MC: 151 602
423*85 睇嘢食嘢買桃
お好み焼き ほり - 日生/お好み焼き Parking MC: 541 512 345*14 食蠔 (tel. +81 869-72-0045)
『殘夢軒』就位在『後樂園』的大門口一出來，是很有名的名產店，而它的冰品也非常的厲害喔。
岡山市中央批發市場(岡山市中央卸売市場) MC: 19 653 680*40 (Tel.
+81-86-265-8001) 食嘢買嘢
去酒店泊車後行
天滿屋 表町商店街 步行去15分鐘
Dinner
AEON
MALL7樓松屋燒肉或其他
『味司野村』在岡山也是很出名的餐廳，招牌就是B級美食『褐醬炸豬排飯』，它的店離『JR岡山站』不遠。
呢間酒店嘅早餐款式都幾多，唔錯
摘桃
D桃唔係好大粒
個摘桃Package每人包兩個桃
岡山県桃茂実苑直売店
呢到都好多生果買
本來一心諗住係食白桃果肉雪糕架嗎
點知叫錯咗
睛王
Lunch@お好み焼き ほり - 日生/お好み焼き
係你面前鐵板燒
呢個煎蠔真係好好食，所以我哋再encore
煎蠔都好好食
入去睇呢個岡山後樂園之前食返個雪糕先
岡山後樂園
岡山後樂園停車場
停車場繳費機
無咗個藍天
岡山城
ダイワロイネットホテル岡山駅前
間房都幾大間
麵包特價時段
超市有好多生果買
Dinner@イオンモール岡山店 小豆島ラーメンHISHIO
呢一間D麵都幾好食
沒有留言:
發佈留言
來到留返句說話先走啦...