~~~活在當夏~~~: 2017 日本山陰山陽自駕之旅 Day 6

2017/11/25

2017 日本山陰山陽自駕之旅 Day 6

Day 6 10/8/2017 星期四

倉敷 > 広島尾道市千光寺公園 > 千光寺 > 貓の小道 > 宮島コーラルホテル > Late Lunch@ Yakigaki-no-Hayashi 焼がきのはやし > 宮島夜遊 > 宮島鳥居 > 宮島表參道 > Dinner@みやじまぐち・お食事処 > 宮島コーラルホテル

宿: 宮島コーラルホテル (MC: 103 501 805*78)

今日我哋要早出發，所以就早咗起身食早餐，呢一間 DormyInn嘅早餐有D流流哋，無咩嘢食!!

我哋未夠8點就出發，第一個景點就係去呢個広島尾道市千光寺公園，揸咗差不多兩個鐘頭先到，去到都係泊係佢哋個停車場入面。

今日又係好熱好焗，所以又係行到成身汗，講開又講，其實我好少呢D時間來日本，通常都係10月或者3-5月呢D時間。呢個市千光寺公園又無咩特別，。不過行到去呢個千光寺就出現返D人氣啦，呢間千光寺都幾特別，入面都幾彿像放咗係到。再行埋條貓の小道又唔見有喵星人出現，只係見到有一隻攤咗係地到，唔知係唔係熱得滯，全部去咗嘆冷氣。但係條貓の小道就幾特別，整咗好多貓腳印係到。

之後諗住去食Lunch個時，差不多11點幾啦，原先諗住去一間人氣排隊拉麵店到食。11點幾已經有人係到排隊，不過因為大熱嘅關係，有團友唔想係到排隊同埋食拉麵，所以最後我哋就走人。之後我哋就搭返呢個吊車上返去千光寺公園，搭呢個吊車時都幾多人上去呢個千光寺公園。我哋行埋呢個恋人の広場就走人，不過呢個恋人の広場都唔知睇咩。

我哋沿路一路行一路睇下有無食店，不過都係搵唔到。大概3點幾到就到咗酒店，Checkin完就入去宮島到搵食。我哋搵咗一間食蠔嘅食店Yakigaki-no-Hayashi 焼がきのはやし。叫咗生蠔、燒蠔、蠔仔飯、蠔仔烏冬同埋蠔仔喬麥麵，全部都好好食，唔知係唔係肚餓嘅關係呢?

食完我哋就行下呢條表參道，其實都係一條商店街，呢到唔係好多間有得試食，唔知點解見到唔係日本人嘅人佢哋都好似無咩表情，重要試食嘅嘢係佢哋自己俾，但係呢又唔會俾我哋試個喎~~~可能呢到已經俾香港人去到爛咗，知道我哋食多過買，所以就唔俾我哋試食都唔定。

沿路行去呢個鳥居，今日呢個時間係退潮嘅時間，所以我哋可以行落去近距離睇下呢個鳥居，聽日我哋都會再來，就係睇下呢個潮漲個時係咩樣喇。

我哋係到座住睇日落，個天有D雲，唔係就會更正，我哋一路等到日落先走人。呢個鳥居都幾多外國人來睇個喎，重有都幾多人係到等睇日落~~~

我哋最後就係搭2000班船出返去宮島口，之後就係碼頭附近搵咗一間食店食晚餐。食完返酒店到食埋D生果，聽日我哋又會再入去呢個宮島睇水漲嘅鳥居同埋睇埋神社，返到去酒店D桃。

千光寺公園 MC: 48 248 837睇風景

貓の小道公園頂的這條小路

恋人の広場

千光寺公園最高處欣賞尾道市內景色

千光寺山覽車 可以坐纜車到出腳再上返山頂

千光寺

壹番館食尾道拉麵泊尾道市役所停車場 MC: 48 249 628*11 (Tel. 0848-38-9111 ) 市内中心部の駐車場