2011 塔斯曼尼亞自駕之旅 (15)(Day 8 2/11/2011)

Bicheno Backpackers Hostel > Freycinet National Park > Cape Torrville > Wineglass Bay Lookout > Wineglass Bay > Freycinet Marine Farm 食蠔同青口 > Kate's Berry Farm > Milton Vineyard > Freycinet Vineyard > Wintersum Garden Motel > Dinner@Bicheno Town Centre > Wintersun Garden Motel > The Esplanade (Blowhole) 街邊睇企鵝 > Wintersun Garden Motel

今日嘅主要行程就係要去睇 Wineglass Bay ，我哋成9點先出發，去到 Freycinet National Park 到成 9:30 喇，大約 9:45 就開始行呢個 National Park !! 第一個景點就係睇下人燈塔，應完相就揸車入去 wineglass Bay喇。呢個 Wineglass Bay 入面係無得揸車嘅，要行上去先可以睇到呢個 Wineglass Bay 全貌。先前係其他 Blog 到都見到係個停車場到有隻小袋鼠會係到等我餵嘢食，但係其實有警告牌係到話唔好餵佢哋D野生動物，咁樣佢哋會失去咗野外求生本能，所以我哋係唔會餵佢嘅。但係其實都重有好多遊人係餵佢哋架....

正式行呢個 Wineglass Bay Lookout 個指示牌話需要 1~1.5 hours 先至可以行完。路勢唔係好難行，不過有時要上下樓梯同斜路咁，不過今日天朗氣清，睇個景非常之靚仔~~~~

我哋用咗大約40分鐘到就到咗個 Wineglass Bay Lookout，沿途都有唔少遊人~~我哋見時間尚早就行埋落去個 Wineglass Bay 到睇下啦，個指示牌話 1.5 hours 來回架，但係個距離只係有 500 米咋喎，不過就要要上落樓梯囉~~~原來呢條路係由D碎石組成嘅路，而梯與梯之間個距離又好大，所以都行得幾辛苦~~

我哋用咗35分鐘先落到去個沙灘到，個沙灘真係靚到無嘢好講，行得咁辛苦落來都值得。個沙灘D水又清到無晒朋友....我哋去到個沙灘個時其實都差不多成十二點，今日我哋遇咗會係野餐，所以已經準備定D Lunch...我哋一行埋去一個比較無太陽嘅位置，又見到有隻袋鼠仔係到，好似想係到等食咁，我哋一攞D三文治出來，重有D海鷗飛埋來等食添...

先前我哋行落去個沙灘個時重有一班日本人，佢哋成副行山裝備，係沙灘睇咗一陣又繼續向前行，都唔知佢哋行去邊...

食完三文治我哋就回程喇，我哋用咗半個鐘先行返上去個 Lookout 到，之後大約 13:30 先返到停車場~~之後我哋就去咗附近嘅 Freycinet Marine Farm 到食生蠔同埋青口，呢到好多人都話D生蠔同埋一個叫Kilpatrick Oyster 好正，但係我哋覺得D青口重正...

呢到D Osyter 就比較海洋味重D，即係其實都幾咸 !! 個 Kilpatrick Oyster 就無想像中咁好食囉，又唔係唔好食，但係好普通~~~叫咗兩樣嘢，一陣風咁就食完~~於是我哋就叫咗個 Steamed Bowl Mussels 試下，嘩~~~好在叫咗呢個試真係無試錯~~~D青口又嫩又滑又鮮甜，可以講係好食過D蠔~~諗起都好回味...

之後我哋就去咗 Swansea 嘅 Kate's Berry Farm 到想扎下D生果~~點知入到去都無D咩指示嘅，係得間Shop買下D果醬咁~~~後來重其他 Blog 友知道原來係佢D生果有問題，所以無得扎~~~我哋入到去都係試下D果醬同埋睇下呢個果園興建嘅故事就走人啦...

之後我哋就去咗睇附近一個酒莊睇下，去到第一個叫 Milton Vineyard 嘅，我哋試咗幾款白酒，重試埋有朋友提過係澳洲盛產嘅 Pinot Noir 紅酒，最後我哋都係買咗支 Ice Riesling ，因為覺得佢易入口同埋好甜~~~然後又去另外一個酒莊叫 Freycinet Vineyard，個負責人問我哋係邊到來，又講咗好多關於釀酒嘅嘢俾我哋知，呢間我哋就買咗 Riesling ，但係就唔係好甜嘅...

之後我哋就返去 Bicheno 嘅 Motel Check in ，點解要轉住宿，因為呢一間有廁所係屋入面囉，方便好多~~~但係呢一間就無得煮嘢食囉 !! 呢間Motel其實都幾近尋日間 Hostel ，重有都係無 Internet 嘅 ~~~話個網絡維修緊~~我哋視察過下個環境，如果要整嘢食呢...就要 BBQ，唔係就出去食~~

最後我哋就決定出去食，係市中心到兜咗一排，揀咗間食店仔到食炸魚同埋Pizza，呢到D炸嘢其實都幾好食，個Pizza 都OK喎~~~食完嘢就返Motel 休息下。返到去 Motel ，我哋見到我哋隔離屋來咗兩個疑似香港人嘅情侶出現咗，點解呢 ? 因為我哋聽到佢哋講講廣東話囉...

之後就等到差不多八點我哋就出發去夜探企鵝仔啦，去到 The Esplanade 到我哋搵返我哋尋晚見到企鵝嘅地方附近等。我哋 20:30 到就開始等，等等等...等到天黑晒就係都無見到有企鵝仔上岸喎，但係期間有聽到D聲，我哋之後諗，個D應該係企鵝仔D聲來嘅...等嘅期間個天成個天都係星星，非常之靚，重要有流星飛過~~~好靚呀~~~

之後，我哋21:30都未見到有企鵝仔就走人啦，點知行返去條馬路到攞車個位就見都有隻疑似企鵝仔嘅物體係架車附近出現~~~開頭都唔覺得係，但係睇真係~~~原來真係喎.，但係我哋又唔想用燈照佢，之後一熄燈就唔見咗佢喇...原來佢行咗落去草叢到。咁我哋咪揸架車走人囉，點知係路邊又見到喎，重要越來越多隻出現添，個一刻好開心好興奮架!!不過係條馬路都就見到有一隻俾車車死咗...之後我哋又將架車揸返去原先泊車個位到，沿途又見都好多隻出現呀~~真係好好睇呢~~最後我哋停咗架車係到，重見到又兩隻係到打交添呀~~~但係個時個相機就無電，影唔到~~~睇完我哋就返去 Motel 喇，個時已經係22:00啦...

呢間 Motel 其實有兩間房係有 Kitchenware 嘅，不過就要成 $120 /night ~~~都幾貴~~

流星飛過 ，
畫破長空