今日嘅行程係要行Tahune Airwalk ，車程都幾遠下，所以我哋今朝 8:30 就出發啦。去到買入場飛個到都差不多十點鐘，之後重要揸多成半個鐘先到個 Tahune Airwalk 入口。去到都成十點九啦，之後就立即開始行呢個 Airwalk ，行咗一陣就到咗個 Airwalk 入口，行個時都唔覺有D咩特別，但係周圍D樹木其實生得好高，之後去到個盡頭個到就可以睇到 Huno River ，D水其實睇落去都幾污濁咁，烏烏黑黑有D鐵鏽色咁，但係D人話呢D水係有豐富嘅礦物質先會有咁嘅顏色，水面重要有好多泡添呀~~我睇D Blog 有人飲呢D水添呀~~~
一路行都遇到好多人，一行條 Airwalk 就會郁來郁去都幾危險咁，睇完都唔洗30分鐘，之後我哋就行埋 Swinging Bridges Circuit ，呢到可以行近條 Huno River 睇下條河。不過其實又唔係好近，都幾遠下~~`行行下原來有條吊橋行個喎，感覺重好玩過行 Tahune Airwalk ，直頭係橫過成條 Huno River 架 !!
行第一條橋期間無神神有個外國人同我哋講D唔知咩喎，我哋無理佢。佢行到橋重停係到唔知等咩~~~
過咗一條吊橋之後就經過另外一條吊橋，呢個有個牌寫住 River Point & View to Airwalk ，話要行15分鐘先到，但係其實我哋只係行咗幾分鐘就到，呢個位可以影返去 Tahune Airwalk 個盡頭位，不過影出來就會好細粒囉!!
然後我哋就過埋另外一條吊橋就行返去個 Centre 到喇，行完晒到差不多一點鐘。咁我哋就順便食埋 Lunch ，朝早已經準備好咗 Lunch 啦，因為驚行得耐無嘢食~~就係三文治啦，食食下有D烏鴉跳過來，好似想搶我哋D嘢食咁，我哋當然要嚇佢走啦，不過佢哋好似唔驚人咁個堝....
食完嘢我哋就去另外一個地方，呢個景點係 Hastings 市到，個名叫 Hastings Cave & Spring ，顧名思義就係有個 Cave 同埋溫泉囉~~不過要揸成個幾鐘先去到。
臨去呢個景點個時係行條泥路先到，我哋2:30先到，大約3:00就有最後一場 Tour，買完飛個職員重叫我哋去睇下個溫泉。呢個溫泉得28度
，其實真係得個暖 ，附近重可以俾人 BBQ添....之後就入去個 Cave。
係 Tasmania ，入呢D Cave 係要有人帶架，離開個溫泉重要揸多5分鐘車先到個 Cave ，之後係個洞口到等等等...等等下又見到係 Tahune Airwalk 遇到個個外國人喎...真係有緣 !!
到咗入個洞喇，入面又唔係想像中咁凍，不過如果係夏天就真係要帶件衫入去先得。呢個洞同先前睇開嘅溶洞有D唔同，D柱比較幼身同埋好似D腐竹咁樣，個洞其實都幾細，但係都行咗45分鐘先行完~~~
睇完我哋就返去 Hobart 市準備食 Dinner ，係返去途中無神神俾人捉快車，查真當時都係行百多D公里到啦，不過佢話我行到成百二到喎，當時我就俾咗張香港駕駛執照俾佢，佢一問我嘢我就扮唔識英文，之後佢就問我哋係唔係來旅行。佢睇完個駕駛執照就準備俾張牛肉乾我，我就話個 GPS 當時都係顯示100km/hr咋喎 !! 佢諗咗一陣就話今次就俾個 Caution 我，我重問佢洗唔洗罰錢，佢就再同我講只係 Caution !! 嘻嘻，真好彩，不過佢都俾咗張牛肉乾我...
之後我哋就去咗 Wrestpoint Hotel 到食個 Dinner Buffet ，入面其實唔係咁多嘢食揀，不過每人都係 $33.5 都算叫做幾抵架啦~~~一開始見到有D蝦食，我哋就係咁食，食咗兩、三Round之後就變咗做煙三文魚喎。D甜品都幾好食，重有D炸魚都唔錯 !!
食飽咗我哋就去咗 Casino玩咗幾手，都睇咗好耐先玩，開頭都贏下錢，個職員同枱客都玩得幾開心，後來我哋隔離座多個人之後我哋就鋪鋪輸啦，最後輸咗 $50 走人...
之後我哋就返 Hostel ，經過油站順便入下油，我哋入咗$57油，行咗咁多日都算幾抵~~~返到 Hostel 就沖涼洗衫然後就休息~~
沒有留言:
發佈留言
來到留返句說話先走啦...