2010 台中自駕之旅 Day 5 (1)

2010 台中自駕之旅 Day 5

日期 :   6/4/2010

天氣 : 天陰 & 微雨 & 天睛 

行程 :

台中璽朵精品旅館(407台中市西屯區朝馬二街46號)(A點)  > 台中西區精明一街商圈 (B點) >台中北區寶覺寺(C點) >台中東區20號倉庫 (D點)  > 400台中市中區自由路二段25號 (太陽堂老店)(E點) > 台中后里鄉樟公樹(F點)  > 台中縣后里鄉泰安服務區(G點) > 大園鄉桃園機場一航站(H點)

行車里數 :  (166 公里 – 大約 3 小時 43 分鐘)

住宿 :  自己屋企

今日係旅程嘅最後一日，由於尋晚好夜瞓，所以就九點半先出發，今朝個早餐同尋日個個唔同，係好似公司三文治咁樣，又幾好食喎，個飲品有Ｄ似珍珠奶茶咁樣 !!

今朝個早餐都幾正 !!

另外一間房

呢一間....嘻嘻...唔係我住個間房...

好似去咗5星級酒店咁架~~~嘩~~~(呢個係大家嘅反應)

房入面嘅擺設都好有心思

每間房都有一個...呢一間都唔例外

食完嘢我哋就出發，今日其實都無咩特別景點因為又唔去得遠，只係順住路返台北咁玩返上去。

我哋嘅第一個景點就係精明一街，呢一條街有好多商店，但係我哋呢一次唔係 Shopping 團，所以都係去呢個地方到睇一睇。

咁早到未開門呢.....

 

之後就去20倉庫喇，呢一個係一個藝術家嘅集中地，我哋去到嘅時候，都唔係好多間開咗門，入面Ｄ人都幾Nice，請我哋入去參觀，期間有一隻狗不停咁係都跟住二嫂，嚇到佢係到不停叫 !! 係20倉庫對面有個車站都幾特別，但係我哋就無去到睇。

未入去睇都覺得呢到好有藝術氣息啦...

宮奇俊作品~~~非也~~~

呢一個係好咩嘅呢 ?? 有無人答到我 ?? (不過無獎品喎)

呢一個係 ?? 你哋覺得呢 ??

要做呢一個樣~~~但係就要做好大個

佢哋係到努力緊

今日係....

你哋見到咩 ??

呢一水塔就係地標

就係佢喇.....佢不停咁跟住二嫂

間工作室係邊呢 ?

參觀完我哋就去一間叫寶覺寺嘅寺廟，入面有一個笑面彿，廟入面又有間廟，我諗原先間廟應該係入面個間，不過重建就係原先間廟上面再起一間。我哋去到嘅時候廟對出個噠地搭晒帳號，係門口到睇唔到間廟，要行入去先睇到。所以入屋叫人，入廟就要拜神，我哋當然就要拜一拜 !! 之後重係側邊見到有Ｄ好大嘅籤添呀，我哋每個人都攞咗支籤，但係二嫂就無攞啦....大家攞咗Ｄ籤就睇下Ｄ解說喇，睇完就行去同個笑面彿影下相。

咁大支籤你哋見過未 ?

聖杯....

睇完我哋差不多要離開台中啦，見有少少時間就去買Ｄ台中嘅手信，太陽餅 !! 去都個條街有成幾間餅店都係買太陽餅，真係唔知邊一間好呢 ?? 我哋都係求其入咗一間，Ｄ太陽餅其實同香港嘅老婆餅差不多，不過Ｄ餡料就唔同，香港嘅冬瓜蓉，台灣嘅太陽餅就係麥牙糖，佢哋重有老公餅，其他餡料嘅酥餅，都幾好味。買買下二哥自己一個人走咗去買黑橋牌嘅牛肉乾，我哋當然有要買埋一份啦.....

呢到好多台中特產"太陽餅"買

連路邊嘅街燈都有太陽花呢個標誌

路邊無神神噴Ｄ唔知咩出來喎...

 好，買完嘢就去多一個景點先，係本旅遊書入面有講到有棵好大嘅樟樹係一個叫台中后里鄉樟公樹，於是我哋就驅車去呢個地方到睇下喇，因為其實都係順路嘅 !! 去到嘅時候都見都棵樹都幾大下，重有Ｄ應該係台灣嘅旅行團係到參觀添呀。棵樹真係好大，Ｄ樹幹要用Ｄ鐵架支撐住，係棵樹下面重有間廟添呀 !!

棵樹真係幾大架

你哋想像唔想像到有幾大棵樹呢 ?

 

睇完我哋就差不多完成呢個台中之旅喇，但係我哋都未食 Lunch 喎，我就諗住見到咩就停低食咩架啦。行行下就見到有個叫做台中縣后里鄉泰安服務區，呢Ｄ服務區通常都有得食嘢嘅，咁當然要去睇下有無嘢食啦~~~入面一個小型嘅 Food Plaza，食品嘅種類都幾多。我哋一次過叫咗好多台灣嘅特色嘢食，好似爌肉飯、滷肉飯、牛肉面、素麵、豬手飯、豬排飯同埋柯仔麵線...我哋都多叫咗幾多嘢食，但係又真係幾好食喎 !! 食完係呢個服務區嘅超市到買下嘢，之後就起程去機場喇，之前我重打咗電話去租車公司話佢哋知我哋大約四點就會到機場，問佢哋會係邊到等我哋還車。

 

爌肉飯好味....

炸豬排又係好好味...點算....

牛肉麵好食...

素麵 !! 以為無咩特別，但係又係好好味...

一路去機場嘅路都幾暢順，但係有小部份地方就有Ｄ塞車，去到機場我哋重要入返油先可以還車， 係個服務區入咗係機場附近嘅一個油站，但係去到唔見嘅，兜兩兜發覺原來個個有油站已經摺埋咗 !! 咁唯有搵個第二個喇，但係所指嘅路又唔啱喎，之後兜兜下就見到有油站啦...入完油，但揸去機場嘅第一航廈 ，去到就見到第一日攞車來俾我哋個個人係到等緊我哋啦，佢Check下架車有無損壞同俾返一張Visa嘅單據俾我就攪掂。

去到機場都無咩人，我哋就 Check-in同埋寄行李，點知Ｄ行李運輸帶壞咗要我哋自己推去第二個地方都寄行李。之後就過海關，三哥係入去前去唱返Ｄ台幣做港幣。係離境前發生一個小插曲，就係二嫂個入台証個出生日期年份就錯咗嘅，但係入境個時又無人見到嘅，真奇 !! 睇返原來係我幫佢哋做台証時入錯咗呀....最後就要二嫂就要去一個地方到攪返Ｄ手續先可以得，好在都係好快攪掂啫。之後就入去等上機，呢個桃園機場都無嘢買嘅，我哋都係行咗一陣就係候機室到等啦。上到機，嘻嘻~~~又有特別餐食...不過就無去台灣個程咁好味 !! 但係唔知攪咩，班機遲咗成半個鐘先起飛，返到香港等攞行李又等咗好耐，可能呢一日係假期最後一日呱，好多人都係呢一日返香港....最後返到香港都成十點幾差不多十一點 !!

最下面個一個警告好攪鬼.....

係機場見到紅彗星

又有特別餐食喇...

味道無由香港去台北咁好味...