日期 : 4/4/2010
天氣 : 天陰 & 微雨 & 大霧
行程 :
清境楓丹白露 (南投縣仁愛鄉大同村仁和路179之7號)(A點) > 青青草原(B點) > 太魯閣國家公園 - 合歡山(C點) > Lunch@清境魯媽媽雲南擺夷料理 > 全台灣最高7-Eleven(南投縣仁愛鄉仁和路223-1號)(D點) > 清境小瑞士花園 (E點) > 台中璽朵精品旅館 (F點) > 台中逢甲夜市 > 台中璽朵精品旅館
行車里數 : (136 公里 – 大約 4 小時 28 分鐘)
住宿 : 台中璽朵精品旅館
好啦...今日已經去到旅程嘅一半 !! 今朝起身見到太陽，諗住成日都好好天添，但係只係有太陽咗一陣之後就無咗啦。早餐就呢間民宿包埋嘅，食完簡簡單單嘅早餐，我哋就要去第一個景點，就係青青草原喇，但係去呢個景點前發生咗一段小插曲。因為有人放咗車尾門之後又無閂返佢喎，我又無留意到無閂到門喎 !! 攪到跌咗個袋都唔知到，架車揸到去差不多青青草原到先知道，當然係咋咋聲沿路睇下係邊啦，最驚嘅就係俾車轆過，因為入面係放咗部相機，同埋都幾多重要嘢放咗係到 !! 好在最後係民宿個停車場到搵返，唔係就真係唔知點算，真係有驚無險啦 !! 但係之後外父就好似保鑣咁，一落車就問有無鎖好門，個背包放好未呀 ?! 真係.........都幾熱心...
朝早真係幾好天氣架....
民宿睇落去都幾靚仔，重要係有 Lift 搭添個喎...
民宿停車場
夏天呢到應該會幾正...重要有燒烤添架
民宿大堂
呢一棟係隔離個間，個樣幾靚仔個喎...
好啦...出發啦...睇唔睇到後尾門係開咗呢 ??
跟住就去返青青草原個停車場到啦，點知原來已經無晒Ｄ免費嘅位，咁就唯有泊係收費嘅停車場啦(NT$100)。泊好車都重要行去睇羊咩SHOW個到，都有一段距離，外母當然係要慢慢行去啦(之後聽返二嫂講話外母話我哋一支箭咁唔見晒人，唔等埋佢喎!)，去到睇SHOW個到已經好多人，好在都重有Ｄ位可以座。係未開SHOW前已經有Ｄ羊咩就到係人群入面走來走去，都幾得意。
呢個SHOW主要係介紹一下畜牧業(羊)入面嘅一Ｄ過程同埋做Ｄ咩 !? 個SHOW重會有隻狗示範點樣驅趕Ｄ羊入欄、拍賣羊、剪羊毛同埋表演下點樣用Ｄ馬鞭，過程都幾攪笑同埋都幾好睇 !! 睇完個SHOW影下相，原先計畫係入面行下，但係因為要行嘅地方都幾多下，外母應該頂唔緊所以我哋就唔行喇，睇下揸車去第二個景點到睇，點知去到就無位泊。
呢個清境農場其實都幾近我哋間民宿架
台灣MM
Ｄ羊準備表演
呢隻羊咩周圍搵嘢食
表演剃羊毛
拍賣羊...叫咗個觀眾上去
表演剃羊毛
Ｄ羊係成個農場入面周圍走
沒有留言:
發佈留言
來到留返句說話先走啦...