我哋大約九點半到離開谷關，大約11點幾先到薰衣草森林，都要成個幾鐘嘅車程，如果中間唔係帶錯路可能會快少少都唔定 !!
到咗個薰衣草森林，係門口到影下相，然後買票入場，原本長者係免費個喎，真係好 !! 重有就係佢會俾返相同價值嘅代用卷俾你係入面買嘢架，都幾好喎 !! 入都去當然係咁影相啦，Ｄ薰衣草都未開晒，不過都幾靚下 !! 係入面到不停影呀~~~影呀~~~又食下雪糕~~~咁就玩咗成兩個幾鐘喎 !!
呢個就係個入口喇...
話要潔淨下個身先喎
Ｄ薰衣草都未開花，開咗應該會幾靚
呢一棵樹都幾大棵架，重有就係我哋差不多走嘅時間又再起霧
入面有間商店可以買下Ｄ花嘅Product
我哋走嘅時候都差不多成點半鐘到，但係各位團友都重未有肚餓嘅跡象喎，於是乎我哋就直接去下一個景點啦....就係埔里酒廠。但係去埔里酒廠條路都幾多灣，沿途行有一位團友(外父)重要嘔吐添，令到成車人精神為之一振，最攪鬼就係佢嘔Ｄ聲好似環迴立體聲咁，好攪鬼 !! 行行下見到有個油站，於是就順便去入下油同埋去方便方便，重有就係俾Ｄ暈浪丸Ｄ團友食下，原來二嫂到有Ｄ唔舒適。
入下油先，呢一次係第一次加油
入左咁少錢油？這一款車唔係好大食既咩？
回覆刪除[版主回覆04/14/2010 21:42:00]因為呢一架係 Diesel 車
咁夠唔夠力呀？
回覆刪除[版主回覆04/15/2010 05:04:00]都幾好力喎...我哋八個人上斜都無咩問題 !!
我諗如果 d 薰衣草開哂時一定係好靚啫!
回覆刪除呢個電話係咪真係打得架?
[版主回覆05/15/2010 11:46:00]係囉...去到Ｄ花都未開晒 !! 成個山都係薰衣草一定好正 !!
呢個電話假嘢來架...哈哈....