香港 > 成田機場 > SuperHotel 小山
今日06:40到到咗機場，但係就勁多人係機場，可能係三日連續假期嘅關係都唔定，到我哋搭個間西北航空又好多人喎，淨係寄行李都要成半個鐘，之後食早餐又係好多人喎。咩到無攪過都要好趕咁上機先得。
其實今日係無咩行程嘅，因為要慢慢揸車向北上，所以今日都係無咩景點安排咗。呢次Book咗用Toyota 嘅Prius 1.8 ，呢款車係混燃車，即係電加電油。租車錢就真係幾貴，18日要成差不多十六萬日元，不過無揸過呢款車就試下喇。開頭真係唔係好識用，熄咗架車唔識開返，試咗一排先識用。
由成田機場去酒店個GPS話要成四個鐘，因為我係行一般道路嘅關係呱，不過行一般道路就係好多嘢睇囉....
揸揸吓見到有間好大間嘅 Jusco ，我哋就入去買Ｄ嘢食，同埋買Ｄ零食同水喇。食完買完嘢就繼續向小山出發，途中要去間 FamilyMart到方便下，又買咗Ｄ嘢食。之後去到小山都差不多成七點，所以就搵間食店食今晚嘅晚餐喇....見到有間回轉壽司每碟都係105日元就入去食啦，Ｄ壽司都幾好食。之後又經過UniQlo就入去睇下喇，不過貴過香港，所以無收穫 ! 食完就去酒店，今晚間SuperHotel有得浸溫泉，不過就無去浸，沖完涼就休息，準備聽日嘅旅程喇。
呢架就係呢18日用嘅車啦，幾靚仔
Jusco ...都好大間架
入面都好多嘢買...但係無試食嘅
沒有留言:
發佈留言
來到留返句說話先走啦...