2016 九州自駕之旅 Day 9 28/3/2016 星期一 (22) 摸門釘~~~

2016 九州自駕之旅 Day 9 28/3/2016 星期一

霧島いわさきホテル  > 宮崎花立公園 (MC: 274 763 098/Tel.0987-31-1134) (賞櫻) > 鵜戶神宮 (MC: 274 763 098/Tel.0987-29-1001) > サンメッセ日南 (Tel.0987-29-1900/MC: 274 565 882) > 道の駅フェニックス(堀切峠) (TEL  0985-65-2773 MC: 843 042 740) > 堀切峠 (賞櫻) (MC: 843073 664 *28) > 青島神社 (宮崎觀光情報) (MC: 843 192 098 Tel.0985-65-1262) > 鬼の洗濯板(係青島神社附近) > レイクサイドレッドファーム(摘草莓)(MC: 66 015 086/Tel.0985-34-9391) > 宮崎市 > 東横INN宮崎中央通(Tel.0985-38-1045)

https://goo.gl/0dwwnX

跟住我哋就去呢個道の駅フェニックス喇，呢個道の駅都有得食嘢嘅~~重幾多人係到食嘢添喎，呢個道の駅對出就會見到洗衫板，之後就去咗呢個堀切峠，網上面話呢到有得賞櫻，不過唔見有櫻花，唔通有第二個位置嘅?!

順路玩上去就係去呢個青島神社喇，呢到其實有個停車場可以泊車，但係我哋去到個時就泊到滿咗，咁我哋就搵個附近嘅停車場泊喇，其實都係係對面馬路，但係就係一塊爛地囉~~~

由停車場行去呢個青島神社都要15~20分鐘，途中其實會經過一個温室。一行到去海邊嘅地方就好大風，我哋去到呢個個時都成三點幾，都重有好多人去參觀，不過就見到D車仔檔收緊檔喎~~~去呢個神社途中會見到呢個鬼の洗濯板嘅，其實係呢個嘅附近嘅海邊都會見到呢個鬼の洗濯板嘅~~~

呢個青島神社其實就唔係好大，一陣間就行完，不過入面有個幾特別嘅地方，就係可以俾人掉碟 !! 好似話可以掉埋D唔好嘅嘢個喎…

睇完我哋就諗住去呢個レイクサイドレッドファーム到摘草莓，咁就揸去啦~~~點知去到就啱啱收檔，呢個果園睇個樣都應該會幾大個，收咗檔我哋就唯有去宮崎市返酒店啦。

今晚我哋係住呢個東横INN宮崎中央通，佢個位置都唔錯。Checkin咗之後我哋放好咗行李就出去行下呢個宮崎市喇。

道の駅フェニックス

成個橙咁食，妳食唔食?

堀切峠

青島神社

掉碟

鬼の洗濯板

レイクサイドレッドファーム

收咗檔，無得摘草莓

東横INN宮崎中央通