2016 九州自駕之旅 Day 11 30/3/2016 星期三
延岡市 > 道の駅高千穗
(Tel.0982-72-9123/MC:330 741 550) > 高千穗神社 (0982-72-2413;
MC 330 741 316) > 高千穗峽谷
(MC: 330 741 452) 駐車場 (MC 330 741 210) > 阿蘇市 > 高千穂観光物産館トンネルの駅 (Tel.0982-73-4050 MC: 330 831 304) >
南あそ岩下さんちのいちご園
(摘草莓)(MC: 256 222 345/Tel.090-4485-8983) 白川水源(MC:
256 251 530) > 味工房 ナウシカ (MC: 256 511 279/Tel.0967-67-1844) > 米塚
(MC 256 545 199/Tel.967-32-1960) > 草千里平原(Tel.096-734-1765/0967-34-0131
MC: 256 456 865) > 数鹿流ケ滝
(MC:480 793 119駐車場MC:480 763 743) > 阿蘇市阿蘇火山(096-734-0411;
MC 256 459 157) > 杉養蜂園
(TEL・FAX(兼用)：096-767-2148) > 阿蘇ファームランド （阿蘇ファームヴィレッジ）Aso Farm Land (Tel.0967-67-2323)
今日我哋會去阿蘇個邊，朝早去食返個早餐先。呢一間酒店嘅早餐都幾多款同埋味道都OK個喎~~
食完我哋就出發去第一個景點係去呢個道の駅 青雲橋，行行下又見到一大幅油菜花田，咁我哋就泊埋一邊影下相先~~~去都呢個道の駅 青雲橋，唔知點解成個駅都封咗個入口，唔俾入去喎~~~咁我哋就繼續行程去另外一個道の駅喇。去到呢個道の駅高千穗，我哋就入去方便咗先。
跟住就去呢個高千穗峽谷，途經高千穗神社，咁我哋就梗係停埋車去睇下先啦。個神社一陣就睇完，跟住我哋就去呢個高千穗峽谷，入咗個停車場嘅地標，點知帶我哋行咗去條 One way 嘅道路喎，好在無車上來啫~~~
泊好車，我哋就行去睇呢個高千穗峽谷喇。呢個峽谷都幾多人來睇，我哋早咗少少到咋，如果遲少少影相就會無咁靚，因為有成車人來咗。呢個峽谷重可以玩艇仔，不過我哋就無咩興趣。去到D商店個到，又見都有得食呢個流水麵，咁我哋又試下啦，因為呢到似係流水麵多D。D麵係會沿竹放落來，麵都幾好食，不過係好玩多過好食，食完玩完我哋就繼續行程啦。
跟住去咗呢個高千穂観光物産館トンネルの駅，呢個駅其實係來睇下呢個山洞酒庫，不過入面有一陣怪味~~~然後我哋就去南あそ岩下さんちのいちご園摘士多啤梨啦，呢個果園都有香港人來過，重影埋相貼咗係到。呢到有放題同埋計重量嘅，我哋當然係計重量喇。因為放題其實都唔係好抵，就係因為呢個場有放題。其實都唔係有好多士多啤梨可以摘，因為大粒個D已經俾我食咗~~~最後我哋摘咗一盒仔~~~
摘完我哋就去睇呢個日本百水嘅白川水源，話呢到嘅水可以就咁飲。係入口附近嘅泊車位滿咗，我哋就要揸遠少少泊。呢個景點都有唔少人來睇喎，不過佢入面吉見神社，入去要俾錢，我哋當然就唔會入去喇。呢到重有水樽買，俾你可以裝D水走~~~呢到重有個水晶館，我哋就入去睇下喇~~嘩~~入面D水晶都幾貴個喎..
酒店嘅早餐都幾多選擇
日本人都幾鍾意食生嘅他媽哥池個喎
行行下見到有一篇油菜花田
有人會扮鬼...
流水麵
要睇實D麵先得
山洞酒庫
唔知點解會放咗D火車頭係到
佢話係用白川嘅水來灌溉嘅
呢個場都有香港人來過，但係唔知點解會貼出來嘅呢?!
坐係到嘅人就係食放題嘅..
D士多啤梨唔係好大粒
我哋摘到一盒仔
D水係幾清嘅..
可以即場買個樽裝水走，呀~~唔買佢哋D樽可唔可以裝水走嘅呢?
水晶館
流水麵幾好玩^_^
回覆刪除係呀...有得玩重有得食，呢個似流水麵多Ｄ，之前個個係唐船峡公園就唔似
刪除