2016 九州自駕之旅 Day 17 5/4/2016 星期二
博多市 > 太宰府天満宮 (MC: 55 364 163/Tel.
092-922-8225)(賞櫻) > YOUME > Lunch @ 魁龍 博多本店
> 袖湊の湯 ドーミーインＰＲＥＭＩＵＭ博多・キャナルシティ前 (Tel.092-272-5489) > 博多駅 > 博多運河城
進入倒數嘅日子，聽日就要返香港啦，真係話咁快就玩咗十幾日喇。我哋今日都係係呢個福岡市入面睇嘢。呢一間SuperHotel嘅早餐又係幾好味，食飽就上房到Hea咗一陣就出發。我哋今日主要係去呢個太宰府天満宮到睇嘢，由酒店去都要一個鐘。因為多燈位，所以要成日停車。去到呢個太宰府天満宮附近，已經出現好多旅行團。我哋就係附近到兜下睇下泊邊到，兜兜下去到呢個太宰府天満宮嘅入口附近有一個停車場，價錢又幾OK喎，30分鐘¥100，於是我哋就泊係到行入去呢個太宰府天満宮喇。去到呢個太宰府天満宮就真係好多人，咩國籍嘅我都有，不過最多嘅就係強國人~~~
睇完我哋就出去出面嘅商店街到行下，呢個差不多間間舖都有呢個梅枝餅買，其實係呢到嘅出名嘢食，係被稱為日本學問之神的「菅原道真」有關，據說「菅原道真被飄流到太宰府後，渡過落魄日子，那時候在安樂寺門口有一位賣餅的老婆婆，免費送餅給道真公。日後，不時的請道真公到店內安慰他，一方面提供餅給他吃。在道真公過世時，她把道真公深愛的梅枝插在餅上面，把其供奉到道真公的棺材內。這就是太宰府天滿宮的名産梅枝餅的由來。
所以我哋都買咗一件來食，其實呢個梅枝餅咪就係呢個紅豆餅囉，不過又幾好食。我哋見D強國人十幾個十幾個係咁買個喎，都唔知買咁多做咩?! 其實係咪可以擺咁耐嘅咩??
晴朗的一天
食返個豐富嘅早餐先
呢一隻牛長期都有人係到
梅枝餅
好有特色嘅星巴克
停車場
沒有留言:
發佈留言
來到留返句說話先走啦...