~~~活在當夏~~~: 2016 九州自駕之旅 Day 16 4/4/2016 星期一 (41) 小倉城~~

2016/05/20

2016 九州自駕之旅 Day 16 4/4/2016 星期一 (41) 小倉城~~

2016 九州自駕之旅 Day 16 4/4/2016 星期一

SuperHotel 小倉駅南口(Tel.093-541-9000) > 旦過市場 > 小倉城 (MC: 16 465 665/TEL 093-561-1210)(賞櫻) > 魚町銀天街 > 小倉市 > 国営公園海の中道海浜公園 (MC: 13 552 081) > 博多市 > 大濠公園・西公園｜水と緑のオアシス (賞櫻) (Tel.092-741-2004/MC: 13 315 312) > 舞鶴公園 (賞櫻) & 福岡城遺址(Tel.092-781-2153) > SuperHotel スーパーホテル博多(Tel.093-541-9000) > 上川端商店街

https://goo.gl/c8o15h

今日我哋會落返去呢個博多，由呢個小倉去呢個博多中間無咩特別嘅景點~~~濕扒嘅早餐真係幾好食，又幾豐富添…食完早餐，我哋就出去睇埋其他嘅景點就係呢個旦過市場，其實呢一個都係一個街市，不過我哋去到嘅時候，都唔知係收咗檔呀定係未開檔!得一兩檔係開咗門嘅，其餘個D都係無開門~~~所以呢到影一影相就可以走人喇。

跟住我哋就行去呢個小倉城，小倉城又係一個賞櫻嘅好地方來嘅。護城河旁嘅櫻花樹都開得好靚，不過又係天氣唔係幾好，如果唔係又係一個靚景喇~~~

之後就返去酒店執嘢走人，我哋第一個景點就係去呢個国営公園海の中道海浜公園，呢個公園其實無咩嘢睇，入到去泊好車再睇下有咩睇，原來係小朋友嘅樂園來嘅，重要收入場費，所以我哋就撤退喇。

係去呢個海の中道海浜公園途中見到有一間迴転寿司，所以即刻係架車嘅GPS到落返口針先(其實係好多嘅GPS系統入面都有呢一個Function，方便D駕駛者記低一D地方)。去個公園唔成，我哋就去開餐啦。其實呢一間迴転寿司我哋去東北個時成日都見到佢，重幫襯咗唔少次添架~~

呢之後我哋重去咗麥當當食咗杯雪糕，因為有人話日本嘅麥當當雪糕好好味架~~果然係幾好味，食到唔停口…

好豐富嘅早餐，其實佢嘅早餐係簡而稱，我哋覺得佢好過D酒店添