~~~活在當夏~~~: 2018 波蘭．波羅的海三小國自駕之旅 Day 7 22-3-2018 Thursday (Tallinn, Estonia)

2018/05/05

2018 波蘭．波羅的海三小國自駕之旅 Day 7 22-3-2018 Thursday (Tallinn, Estonia)

Revelton Suites Tallinn (Tallinn 塔林) > Russalka Memorial (青銅天使像Russalka) > Jägala waterfall 39.2km (38m) > Sikupilli Prisma (搵廁所順便買嘢) > Revelton Suites Tallinn > Lunch@ Olde Hansa > Tallinn Town Hall Square(塔林市政廳 Raekoja plats) > Paeapteek市政廳藥局 > Revelton Suites Tallinn

今日我哋主要係要揸一陣車去睇青銅天使像Russalka同埋一條瀑布，其實係條瀑布再揸遠少少就有個國家公園 - Lahemaa National Park 拉赫馬國家公園 (呢個Blog有講下)，不過我哋研究過我哋去嘅呢段時間應該係無嘢睇，所以就無去。

我哋食完呢個腸蛋公仔麵早餐就出發，今日都係天陰陰咁，又係好凍。第一個景點我哋就來到近波羅的海嘅沙灘，附近有一個青銅天使像Russalka，呢一個像係為咗悼念係1893年觸礁沉沒嘅俄國裝甲艦艇美人魚號 (Russalka)而建嘅青銅天使像Russalka，呢個像係由愛沙尼亞雕刻家Amandus Adamason係 1902年嘅作品。不過由於天氣嘅關係睇落就唔係幾靚咁，影完相我哋又行近個沙灘到睇下同影下相，不過好大風，所以我哋又要極速咁返上車。

跟住我哋就去呢個Jägala waterfall，呢條瀑布都幾多人睇個喎，我哋到嘅時候又有一班人到，走嘅時候又有，重有啲人行咗入去個樹木入面添。

呢條瀑布，我哋去到嘅時候得中間個一到就有流水嘅，其餘都係結晒冰~~~不過睇返人哋啲Blog，應該唔可以行到咁近去影相，所以我哋有另類嘅體驗。

睇完呢條瀑布，我哋就返去住宿，但係要去搵個廁所先，途經一間超市就入去方個便先。入去個超市到睇下有咩食才可以買返去整來食，不過聽日同後日，我哋都係住酒店，所以無得自己煮嘢食，只可以買早餐。見到啲麵包又幾正，我哋就買咗幾個做聽朝早餐，點知收錢個亞嬸亂咁收錢，同佢講收錯錢，佢就表現唔好嘅表情，又手指指咁，我哋估應該係去另外一邊搞退錢，就係咁我哋行來行去先搵到個Counter退錢，搞咗我哋成半個鐘，如果係一兩蚊我哋到算，個麵包係收多咗成十蚊有多…

搞完一輪，我哋就返去Apartment到放低架車，然後去市中心到食Lunch。我哋Lunch就去呢個Olde Hansa食下呢個傳統愛沙尼亞菜，入去之前有個職員俾咗一個舊錢幣俾我哋，佢話係舊時愛沙尼亞嘅貨幣。如果入去食嘢嘅話，Show俾職員睇，就會送我哋每人一杯地道嘅飲品。

呢一間Olde Hansa入面嘅裝飾都幾古舊，我哋就叫咗一個肉湯、鴨腿、三文魚同埋一杯Honey Beer。個鴨腿都整得幾淋下，重要無泥臭味，而個三文魚都ok，啲伴碟都幾好食。佢哋送個杯地道嘅飲品有啲藥材味，味道有啲啲怪怪哋，但係飲飲下又覺得幾好味，而杯Honey Beer就真係幾好飲，易入口甜甜哋，唔覺係飲緊啤酒。

食完我哋就去附近嘅市廣場嘅舖頭睇下嘢，又參觀下全愛沙尼亞以至全歐洲最古老的藥局之一嘅Paeapteek市政廳藥局，入面有擺放咗舊時啲藥出來俾人睇，同埋呢間藥局重係運作緊有賣藥架。行到差不多，我哋就返去Apartment到休息，因為出面好凍，所以都唔係幾想係出面到逗留咁耐~~~

今日嘅晚餐又係自己整，因為我哋要食咗啲唔擺得嘅食物佢先~~~

聽日我哋就向返去波蘭方向走啦….

其實塔林除咗舊城入面嘅景點，如果係自駕都可以去附近嘅景點睇下架，可以參考下呢個Blog，佢有講到其他嘅景點。

住:

Name: Revelton Suites Tallinn (studio apartment)

Address: EHA 6 Tallinn City-Centre 10137 Tallinn Estonia Phone: +372 5858 5797

GPS: 59.43414, 24.72777 (N 059° 26.049, E 24° 43.667)

Price: €60 Parking: Free

腸蛋公仔麵