~~~活在當夏~~~: 2018 波蘭．波羅的海三小國自駕之旅 Day 11 26-3-2018 Monday (Gdansk, Poland)

2018/05/27

2018 波蘭．波羅的海三小國自駕之旅 Day 11 26-3-2018 Monday (Gdansk, Poland)

Kaunas 考那斯 (Lithuania 立陶宛) > Malbock > Lunch@McDonald@Malbock > 瑪爾堡城堡 The Malbock Castle Museum > Gdansk 格但斯克 (Poland 波蘭) > Apartamenty Luxury Suite Stare Miasto > 唱錢Gapi. Kantor wymiany walut. Gawin H. > Galeria Handlowa Madison行商場 > Dinner@ Tawerna Dominikańska > Apartamenty Luxury Suite Stare Miasto

我哋今日要大長征，由立陶宛去返波蘭嘅北面Gdansk 格但斯克，車程要成7-8個鐘。所以我哋打算6點就出發，我哋今朝就食包做早餐，不過最後我哋都要搞到成0645先可以出發。

係立陶宛個邊一路都無咩問題，係返返去波蘭個時俾啲警察截停咗要Check返啲汽車嘅嘢，都搞咗我哋成20分鐘有多。

張3UK漫遊咭又係返到去波蘭個時好耐先收得網絡，就係因為咁我哋就睇住個GPS同Google Map揸車，發覺車用個個GPS係教行入俄羅斯再入返去波蘭。睇路程同時間確實係快啲同行少咗路，但係俄羅斯並唔係歐盟成員國，所以基本上我哋架車係唔可以入去俄羅斯入面嘅。好在我哋有睇到咋，唔係跟住揸就出事喇。

我哋中間停咗兩次，一次入油一次就去廁所，最後我哋成1點鐘先到達 Malbock。Lunch我哋就去咗McDonald到食，因為有得泊車。呢到嘅麥當當同波羅的海三國又唔同喎，有炸雞翼同埋特別版嘅包。所以我哋就叫咗來食啦，又幾好食喎…

食完我哋就驅車去Malbock城堡附近泊車，呢到有幾個停車場泊車嘅，但係好多都係爛地，好在最後搵到個係一條去城堡嘅橋附近嘅一個停車場。但係個停車場就無人理嘅，咁我哋就泊低先，諗住行完返來先算。今日天氣就麻麻哋，天陰重要落雨同幾大風下~~~

今日係星期一入城堡參觀係唔洗俾入場費，不過就要你一定要租用一個導聽器，盛惠EUR$8。其實呢個導聽器我哋應該唔好攞，因為要係指定時間前還，我哋又要專登行返去個售票處到還，但係我哋架車就泊咗係城堡嘅另外一邊~~~

呢個城堡今日開放嘅地方唔係好多，因為又係要維修。我哋入去行咗一個鐘就睇完喇，入面比想像中少嘢睇，可能係淡季同埋維修期間無開放一啲地方呱~~

之後我哋就驅車去今晚嘅住宿Gdansk，我哋1630先到。同Apartment個屋主講好咗大概幾點到，呢間Apartment提供室內泊車，都幾好。屋主係波蘭人，唔係好識英文，帶咗我哋去間屋，簡單講下就搞掂。呢間Apartment就係2樓，好在今次有Lift搭，如果唔係又要搬行李行兩層樓喇。間Apartment唔係好大間，裡面嘅設備都好齊，係有啲燈壞咗無換到，呢一間Apartment又係係閣樓，呢一次我哋都住咗唔少嘅閣樓。停車場就係樓下，係泊室內嘅，不過就唔係係間Apartment嘅樓下。

我哋放好行李之後就出去行雞，首先就係去唱返啲波蘭錢先，呢到都幾多唱錢嘅舖頭~~~

我哋行咗去一個Shopping Centre睇下有無啱食嘅餐廳同埋順便行下超市，但係就無嘢啱。

之後就行去市中心附近搵食，呢到啲餐廳價錢差距都幾大，有啲都幾貴，有啲就同香港差不多。最後我哋就搵咗間價錢可接受嘅食Dinner，食完就返去休息同洗衫，因為今日大長征都幾攰下~~

聽日就市內觀光~~~

住:

Name: Apartamenty Luxury Suite Stare Miasto (Deluxe Apartment)

Address: Grodzka 17, m 6-7 80-841 Gdańsk Poland Phone: +48 509 307 308 (Ewa Rutkowska)

GPS: 54.354000, 18.65922 (N 054° 21.240, E 18° 39.553)

Price: PLN$171 Parking: Free

今朝早餐食包