Day 8 4/11/2016(Friday)
富山縣 (立山黑部 : 彌陀之原 > 室堂 > 彌陀之原 > 美女平 > 立山車站)
去到09:30到有一班巴士到，我哋係車站到等，原來係係酒店門口到等車個喎，不過我哋都上咗車。有太陽又有雪都真係幾靚個喎，搭到去室堂我哋本來諗住咁好天又去返黑部水庫個到玩返轉頭。原來~~~~我哋誤會咗張車票寫住兩日嘅日期係係兩日內可以使用，但並唔係可以任用，張車票只係一次往返使用。如果要去返黑部水庫就要買多一次來回，計過原來同買一張由立山駅去黑部平嘅往返車票無分別。咁我哋咪唯有淨係係室堂到玩囉，走嘅時候都重要補返張由室堂去彌陀之原嘅車票。
好，咁我哋就淨玩室堂啦~~~行完個室堂先知，玩一個圈原來都要成三個幾鐘~~~開頭我哋上到去室堂個時其實到好多雲，但係之後都好天，真係正~~~
我哋睇個地圖，諗住行一個圈都係個幾鐘，不過原來行雪地都幾辛苦。我哋啱啱開始行個時都唔係咁多人，到我哋行咗一半個時，一大班一大班嘅旅行團殺到，室堂忽然熱鬧起來。我哋行完一個圈之後就返去車站到食返個Lunch先，我哋揀咗食蕎麥麵，唔知係咪凍，食D熱嘅嘢都特別好味!食完嘢，見個天無晒D雲，我哋又出去影下相，最後我哋係係室堂由1000到成1330先走人。
室堂出面已經舖滿雪啦..
藍天加雪地真係無敵
其實出面都幾凍，行行下又有D厚雲飄過來
要有厚雪先可以瞓到落去
午餐@室堂駅
-8度
沒有留言:
發佈留言
來到留返句說話先走啦...