2016 日本中部北陸自駕之旅 Day 3 30/10/2016 星期日 (7) 無神神食浦飛

Day 3    30/10/2016(Sunday)

福井縣 (道の駅 越前 > 越前がにミュージアム(蟹博物館) > 東尋坊 > 東尋坊タワー (東尋坊商店街) > 石川縣 (浮御堂)

東尋坊 MC: 264210862

今日我哋會向北行去石川縣嘅賀市片山津温泉，今朝嘅早餐又係去返尋日食晚飯個一間房到食。落到去D早餐已經預備好，食飽就出發啦~~~

我哋會經呢個越前再去呢個石川縣嘅賀市片山津温泉，我哋9點鐘到出發，去到道の駅越前就10點幾到。呢個道の駅越前入面有一個越前温泉露天風呂漁火係到，真係有人會去浸架~~~

我哋係呢個道の駅越前行咗一陣，跟住就去對面嘅越前がにミュージアム到行下喇~~~入到去都係見到買D海產嘅嘢多，不過睇睇下見到有條樓梯有人係到排緊隊，咪去睇下咩來囉~~

原來有海鮮Buffet食，由10:30開始有得食，咁我哋就排隊食埋一份喇。本來想睇下有無越前蟹食嘅，不過睇過D Blog話要11月後先會有得食，所以我哋都係來睇下有無得食，不過應該無喇~~~

呢個Buffet每人¥3,000，有90分鐘用餐時間，又唔係貴喎~~~排咗一陣就開始入座啦。

嘢食嘅種類其實都幾多，有蟹腳、鰻魚、刺生、重有好多炸嘢，淨係食蟹腳、鰻魚、刺生都已經回本啦。D嘢食都幾新鮮，重要幾好食添~~~

早餐，都幾豐富

道の駅越前

越前温泉露天風呂漁火

海鮮Buffet食

海鮮Buffet有好多海鮮食