~~~活在當夏~~~: 2015 北海道自駕美食之旅

2016/01/02

2015 北海道自駕美食之旅 - Day 17 2.11.2015

2/11/2015(星期一) Day 17

札幌・すすきの > 中島公園 Nakajima Park > 札幌羊丘展望台 Sapporo Hitsujigaoka Tenbodai > 札幌場外市場 > Lunch @ 場外市場 > 二条市場 > 狸小路 > 地下街到札幌駅 > Dinner @ しゃぶしゃぶ牛禅札幌店 > 札幌・すすきの

今日係係呢個札幌市內遊，首先我哋去咗呢個中島公園 Nakajima Park，入面重有D紅葉同埋黃葉，所以我哋都係呢一到影咗幾耐相。但係呢到就無泊車位，所以我哋就泊咗係對面嘅寺院嘅停車場。之後我哋就去咗呢個札幌羊丘展望台 Sapporo Hitsujigaoka Tenbodai，不過我哋係無入到去，因為研究過入去好似無嘢睇，所以最後我哋都係係門口影下相就算。我哋記得上一次來北海道都係咁，最後係無入去呢個札幌羊丘展望台 Sapporo Hitsujigaoka Tenbodai架，唔知下一次來會唔會入去呢?

之後我哋就去咗場外市場，呢到都有幾多嘢睇，重有唔少嘅香港人出現。呢到重有好多檔賣海鮮嘅舖頭，當然佢哋有埋呢個食堂啦。

我哋係其中一間食咗個海膽飯，但係個D海膽係完全無味嘅，我哋重係周圍行下，買咗D嘢食，之後就揸車返去酒店。但係呢個時間酒店係無得泊車，我哋搵到酒店對面有得泊車，重要係可以泊到1800到係¥100/hour 最多係收 ¥600，真係幾抵!!泊好車，我哋就去二条市場，呢到都有D食店，不過就無咁吸引同埋價錢都有D貴。

然後我哋就沿地下街一路行到去札幌駅，行去呢個札幌駅你都咪話唔攰，我哋係札幌駅行咗一陣就走人。係地下街到我哋見到有間食芝士撻，第一日來個時都見到佢排晒隊。今日我哋行過，首先唔係食佢個芝士撻，係食佢嘅雪糕。之後就用佢嘅Coupon買咗個芝士撻食，味道都幾邪惡個喎，唔怪得之咁多人鍾意食啦，係香港都開咗分店添呀!! 之後又去睇下呢個摩天輪，原來呢個摩天輪嘅地下有一間免稅店，不過睇個款係做呢個強國人生意嘅。

之後就去Shopping 買咗D嘢，又去藥房買嘢，因為聽日我哋就要返香港啦~~~我哋嘅晚餐就去咗一間係叫しゃぶしゃぶ牛禅札幌店到食和牛 SabuSabu啦，呢一個又係放題來架!!味道都OK嘅，不過我哋就唔覺係和牛來嘅。食飽咗就去行下消化下先，我哋去咗呢個激安之典堂，買咗D嘢，然後就要返酒店到執下行李，因為今次我哋每人得個20kg，所以其實我哋都唔係買咗好多嘢，真係幾痛苦~~~聽日就要返香港啦，點解咁快架~~~

景點:

大通公園 Odori Koen Park MC 9 492 753 GPS 43.05957554,141.34720151

札幌工廠 Sapporo Factory MC 9 523 539 GPS 43.06575679,141.3627144

二條市場 Nijo Ichiba Market MC 9 493 616 GPS 43.05822605,141.35908102

狸小路商店街 Tanuki Koji Shopping Mall

薄野 Susukino Area

拉麵橫町·新拉麵橫町 Ramen Yokocho·Shin Ramen Yokocho

中島公園 Nakajima Park MC 9 432 837 GPS 43.0432803439757,141.353986839645