~~~活在當夏~~~: 2015 北海道自駕美食之旅

2016/01/01

2015 北海道自駕美食之旅 - Day 14 30.10.2015

30/10/2015(星期五) Day 14

函館 > 摩周丸 >有珠火山 & 昭和新山 > 觀光果樹園摘水果 > サイロ展望台 > 洞爺湖畔・雕刻公園 > 洞爺湖温泉街 > 洞爺サンパレス　リゾート＆スパ > 洞爺湖花火大會

今日又係要早起身，因為我哋要上返去洞爺湖，我哋食完早餐8點幾就出發，今朝食早餐個時有好多好似係學生嘅年輕人係到食，佢哋都食幾多嘢，D飯都可以食到無晒，真係第一次見，重有就係免費飲品大排長龍。

今朝天氣唔係幾好，天陰同埋有落雨。我哋係離開呢個函館時先記得有一個叫摩周號嘅船，所以就兜去影下相，有機會就再去睇下啦。我哋都係行返無料道路，去到洞爺湖大概11:30。第一個景點就係沼和新山，呢到入去要俾泊車錢，本來想搵下有無其他位可以泊，不過出面又凍又嘥時候去搵，都係泊係入面算。呢個景點都幾多人來睇，不過一般旅行團大多數都係唔會搭纜車上去睇有珠火山。出面真係幾凍下，我哋去到嘅時候啱啱好有一班車我哋就搭上去啦。呢個有珠火山其實上到去就無咩嘢睇，就係咁睇下呢個有珠火山，不過如果鍾意行山嘅，可以沿山路行去另一邊，但係就唔知有咩睇。睇完我哋就搭返纜車落去，又去睇下呢個火山體驗館。睇完都成點幾，咁我哋就係呢到搵咗一間食店食埋個Lunch先走人。

食完嘢，本來就打算去睇果實嘅觀光果樹園摘水果，不過我哋呢一段時間去果園其實就無咩睇嘅，去到個果園到都見到有好多蘋果買，不過我哋無買。之後我哋就去呢個洞爺湖展望台，去睇下呢個洞爺湖嘅全貌。入咗資料，跟住去點知去到一塊田到，又中蕉了~~~跟住我哋就人肉GPS去啦。到咗呢個景點，有好多旅遊車同遊客係到，想搵個位影相都要排下隊，不過實在係太凍，我哋求其搵個位影完就算。影相個時見到係洞爺湖湖伴個到係落緊雨，我哋呢一邊就無落雨嘅。影完就入去呢一間商店都睇下嘢，有個好出名，成個波咁嘅牛奶布丁賣。我哋其實都見個幾次，又見好多人買，咁我哋就買兩個來試下喇。之後就順路去睇飯呢個洞爺湖湖畔，然後就去酒店喇。

呢一間酒店泊車要係另外一邊，都要行大概2~4分鐘路程架，所以要落低行李先。呢一間係我哋係呢一個旅程最後嘅一間溫泉酒店，因為有之前住酒店嘅經驗，對於今晚嘅酒店都無抱住好大期間，因為個酒店嘅外表好普通。入到去，個大堂就好靚，好新淨。上到房就差D，因為比較舊咗一D，不過團友認為可能日式嘅房會好D，因為我哋係住西式嘅房嘅。我哋其實未夠四點就到咗酒店，見咁早就周圍行下先啦，呢間酒店有溫泉浸，重要係男湯又或者係女湯都可以望到個洞爺湖。之後係休息嘅地方又會有免費飲料提供，真係正。係入面重有一個好大嘅室內暖水玩樂池係到，真係啱晒D一家大細嘅家庭來。睇完我哋就上返房到Hea返一陣等食晚餐，到差不多6點我哋就落去等食，去到食嘢嘅地方都已經有人係到等緊。一入到去見到D嘢食就知道應該幾好食，所以我哋又不停咁食啦~~~有好多甜品又有雪糕、手扼寿司、炸天婦羅….不過刺生就得兩款咁多，無咩選擇。食飽飽我哋就要上返房到休息下先，因為我哋又要去浸溫泉，又要去酒店大堂睇一個Show，之後又要係2045前返都房到睇放煙花，所以行程都幾緊密。

呢間酒店嘅溫泉真係我同團友一致認為係我哋去咁多間最正嘅一間，可以一路浸住溫泉一路望住個洞爺湖，真係好鬼正。差不多8點我哋就去到大堂到睇個Show，都有唔少人落咗來睇。睇到搭半到我哋就返上房到準備睇煙花。一開始淨係聽到聲咩都睇唔到，我哋重以為我哋間房係睇唔到添，早知就繼續浸溫泉唔上返來啦。原來佢哋放煙花D船係會不停移位去放嘅，所以我哋間放對出嘅洞爺湖都係會睇到嘅。睇完我哋就沖涼休息。

住宿 : 洞爺サンパレス　リゾート＆スパ (包早晚餐)

地址 : 〒049-5731 北海道有珠郡壮瞥町洞爺湖温泉７－１電話 : 0142-75-2444

費時 : 18100日圓 (【洋室(ツイン)】洞爺湖の四季を楽しめる湖水に面したお部屋) 泊車 : 0日圓

GPS:42.5653418,140.83499151 MC : 321 520 499

景點:

サイロ展望台 MC 321 726 730 GPS 42.62606322,140.79935469

洞爺湖畔・雕刻公園〒049-5721　北海道虻田郡洞爺湖町洞爺湖温泉

洞爺湖温泉街

昭和新山 MC 321 434 724 GPS 42.54257215811252,140.86431344520673

搭纜車上「有珠火山」山頂 10% Coupon (http://his-coupon.com/ja/shop_8990426.html)

火山村 MC 321 433 350

昭和新山熊牧場MC 321 433 323 GPS 42.53877033,140.86117181