~~~活在當夏~~~: 2015 北海道自駕美食之旅

2016/01/01

2015 北海道自駕美食之旅 - Day 16 1.11.2015

1/11/2015(星期日) Day 16

小樽 > 北一ホール > 六花亭小樽運河店 > 北菓楼小樽本館 > 三角市場 > 豐平峽大壩 > 札幌 > 札幌・すすきの

今日間酒店嘅早餐比較普通，我哋都係食咗D嘢就算。之後我哋就0830到就走人，我哋泊咗架車係呢個小樽食堂附近嘅空地到。

我哋以為我哋早到添，原來重有人早過我哋到呢到行街，不過未到9點好多店舖到係未開門。我哋行咗好多地方，又係呢個六花亭小樽運河店買咗D嘢，再去咗隔離嘅北菓楼小樽本館到試食嘢。嘩~~呢一間北菓楼D嘢真係俾你任食架。呢個小樽比起我哋第一次來嘅印象好似唔同咗，無咗一種日本外國Feel嘅感覺。

之後，我哋就返去攞車去呢個三角市場到行下，我哋將架車停咗係呢個便利店到。不過其實如果係去三角市場到食嘢的話，個到有個停車場係可以泊嘅。我哋去到行咗一陣，見都差不多成十二點，咁我哋就係呢到開餐。入到去見到又一間食店大排長龍，叫做北のどんぶり屋滝波食堂，本來我哋都想試下，點知佢話唔知幾時先會有位，所有我哋就去咗隔離個一間食堂到食啦。原來呢一間滝波食堂都幾出名個喎，唔怪得之要排晒隊啦。我哋去咗武田鮮魚店直営食堂，因為呢一間有Kinki魚食。本來我哋問下有得食呢個Kinki魚嘅刺生，佢哋開頭就話有，不過佢同個伙計傾咗兩嘢之後就話只有BBQ，我哋諗應該係因為唔係咁新鮮，所以就只可以係BBQ。我哋叫咗個海鮮蓋飯同埋一個BBQ Kinki魚，呢個海鮮蓋飯都幾多料，成個飯都係料。個BBQ Kinki都好好味，不過就咸咗D，但係D肉質好嫩滑。

食完我哋就去豐平峽大壩，去到停車場我哋重要搭一程車先可以去到豐平峽大壩。不過我哋去到嘅時候就無晒D紅葉，所以好快就睇完。去呢個豐平峽大壩嘅電瓶車就來回同埋單程，我哋就揀咗單程，因為我哋會係中間一個位到睇九段の滝，又費時行返轉頭。點知原來行返去停車場都唔係咁近，我哋都有行咗差不多成20-30分鐘。不過我哋行返去停車場個時，都見到有唔少人行上去個豐平峽大壩到個喎。

之後我哋就去札幌啦，首先去酒店Checkin先，來緊個兩日我哋都會住呢個SuperHotel。Checkin完我哋就去行街，團友話要去血併，行到差不多我哋就去咗味覺園到食呢個炭燒和牛，味道都唔錯，不過就無牛舌燒嘅，重有當然係唔夠呢個白老牛咁好食喇。呢個炭燒牛係放題來嘅，重包嘢飲，有D重要係雞尾酒來架，我哋飲咗一大半先知，所以飲完之後就有D 榮榮哋。之後就去狸小路行下就返去酒店休息喇。

住宿 : 札幌・すすきの (包早餐)

地址 : 〒064-0806　北海道札幌市中央区南6条西2丁目8-1 電話 : 011-521-9000

費時 : 6500日圓 (【連泊得割プラン】2泊以上でお得♪/禁煙) 泊車 : 500日圓

GPS:43.05394923,141.35582539 MC : 9 493 154

景點:

豊平峽 (豊平峡ダム)(MC 708 573 507 PGS 42.915257352759,141.15384223916186; tel 81 11-583-8110)

三角市場 MC 164 719 530

酒店早餐~~~西式款多