19/5/2013 Day 3
今日其實行程都幾 Hea 下，不過就要自己去食早餐，今次我哋去返我上次去過食早餐嘅地方到食，都幾近民宿個到～～不過呢一間食店，改咗名叫做海邊餐廳，又裝修個咁 ! 入面淨係得牛腩湯米、炒米同埋粥食～～食完我哋就出發去呢個東山寺，呢個東山寺其實係大鵬古城附近，一出東門直行就可以去到。我哋又係踩單車去，不過段斜路之後我哋都係躁到一半就要推車喇～～
呢間東山寺，我上次來嘅時候就重係到裝修緊，今次去到都重係裝修緊，不過都完成咗七七八八。係個大雄寶殿入面有三座彿，而另外嘅三面牆上面就有好多個羅漢係到，都幾靚～～
睇完呢個我哋就去咗行古城，因為有一個門口我哋就未行嘅～～今日古城入面真係可以講係人山人海～～今日天氣好再加上又係星期日～～我哋睇完呢個古城就返去呢個民宿個到，順便帶遲來嘅親友們去睇下呢個沙灘。今日個沙灘都好多人係到玩，重有人玩水上單車添呀～～
之後就返去民宿 Check Out，不過我哋都攪到成1300先出發，因為大家都要搽身同沖涼，因為頭先出咗好多汗～～
Are you eating 豆腐花 in the 3rd photo ?
回覆刪除[版主回覆07/17/2013 05:31:05]係呀...