Day 2 18/5/2013
食完早餐，我哋就座車去呢個東部華僑城，大約30鐘就到，但係個司機就話唔上去呢個茶溪谷，話個到有斜路，要上去就要加錢，一係就我哋自己搭公車上去。呢一下就失察咗，Book車個時就無話要去邊一個谷，而佢哋都無提過話要去呢個茶溪谷要另外一個價錢喎，呢一下真係瀨嘢。經大家商量後就決定座埋上去啦，開頭佢哋就開價每一程 RMB$200，我哋話唔得喎，之後就話 RMB$180，最後我哋就話 RMB$150啦，成交 !! 咁即係邊咗來回收費 RMB$900，除返每人都係RMB$50 來回，其實都係可以接受架 !
原來由呢個大俠谷入口去呢個茶溪谷係要行一段山路架，開頭個司機唔想上係因為驚架車唔夠上，實情佢哋個兩架車都真係唔係幾夠力上，差不多全程用一、二波上斜，重要慢個架巴士～～用咗差不多成本個鐘嘅時間去到入口。
去買入場卷，我哋同行有一個長者，其實有三個，有兩個今朝無來。原來年過65歲係可以免費入場，係買飛嘅時候，我見都有一種叫電瓶車嘅飛買，原來係有架車可以兜晒你去行晒成個谷嘅，每位RMB$20，呢個價係連入場卷買嘅，無入場卷買嘅就要RMB$30。呢樣嘢，我諗我都唔洗問親友們都可以直接買～～
今日天氣好過尋日好多，不過就天陰陰咁樣。我哋係門口到影下相，之後就行咗一段仔路就去搭呢個電瓶車～～其實有幾個點基本上係無嘢睇嘅，又大部份親友們其實係好耐之前已經來過，所以佢哋好快就睇完。基本上係上車落車，好快就睇完一個景點。去到個茶翁古鎮到就一點幾喇，我哋就係其中一間食麵嘅到食返個Lunch先。呢一間嘅麵都唔平，要成三十蚊一碗，不過呢個個都行到好熱，就每人叫咗支汽水飲，呢到D麵茶實都Ok嘅，不過就真係貴咗D囉，埋單 RMB$338。之後我哋就諗住去呢個茵特拉根個到睇下嘢嘅，咁啱又有舞獅睇喎。於是，我哋就睇埋先行喇，嘩～～又估唔到幾好睇喎，因為佢哋係係呢個樁上面舞獅，係一定嘅難度架。佢哋第一下由地下跳上去個樁到已經贏得好多人嘅掌聲喇，之後個D都好精彩，我哋睇到佢舞完先走人。
本來諗住行落去呢個茵特拉根，但係有同行者話中間其實無嘢睇，可以Skip咗佢～～於是，我哋又座車落去啦～～
So few people visiting the 茶溪谷 ? I see there were parrots , can visitors touch them ?
回覆刪除[版主回覆05/30/2013 21:36:17]都唔少人架...不過影相個時就避開佢Ｄ人咋...
摸唔到，放到好遠架