2009 日本東北之旅 Day 14

2009 日本東北自駕遊 Day 14

日期 : 6.11.2009  星期四

行程 : ホテル湖心亭  > 姫観音 > 御座石 > たつこ像(少女像) > 最上峡 > Lunch@最上峡 > 羽黒山‎‎ > 鶴岡カトリック教会‎ > 鶴岡致道博物館‎ > 鶴岡公園 > スーパーホテル山形駅西口> Dinner@はなまるうどん 山形桧町店‎(讚技烏冬) & かっぱ寿司山形嶋店‎ (迴轉壽司)

總行程里數 : 341 公里 – 大約 7 小時 27 分鐘

檢視較大的地圖



今日係第14日嘅行程，我哋係呢一間古色古香嘅酒店到過咗一夜，無咩特別感覺，但係就係一個字囉，比較舊囉，係呢個時代唔知會唔會被人淘汰呢 ? 今朝我哋食咗個傳統嘅日式早餐，味道都okay。

今日個天氣非常之好，有太陽，天氣報告話呢兩日都會放晴，但係過多兩日就會陰天，我哋呢個Trip都有好日都係陰天同落雨啦....

食完早餐我哋就上房執埋行李走人，呢間酒店係Check Out個時先收錢，收錢個時唔知點解佢收返我哋原價喎，我哋係網上面Book個時係會有10% Discount架嗎，講俾佢知佢又唔明喎，於是我哋就攞個張係網上面Booking個記錄佢睇啦，最後當然係收返我哋網上價啦，所以呢~~所有嘅Booking都要Print出來做記錄呀，唔係就會無啦啦收多成幾千日元啦。

今日我哋第一個景點係附近到睇嘢先，我哋第一個就係去姫観音，呢個觀音像同中國嘅都幾似，其實係咪同一個來嘅呢 ? 佢又係望住個湖個喎....睇完呢個我哋就順道去睇 御座石神社同埋たつこ像(少女像)，係呢個神社到睇個時見到係個湖到有個位置不停咁霧Ｄ煙出來，唔知呢個位係咪有溫泉嘅呢 ? 之後睇個少女像都幾靚，睇睇下有一車香港人經過，停低咗車影咗幾張相就走人，好似幾趕下咁喎~~~

之後我哋就要去最上峡喇，由田沢湖去最上峡，個GPS話要行153km，大約下午兩點幾先到，但係我哋準備出發嘅時候係大約上午大約九點到，咁咪即係要成差不多五個幾鐘，唔係呀嗎~~~不過最後我哋都係大約十二點幾就到咗最上峡啦。

呢個最上峡其實係一條河，不過沿途都有Ｄ紅葉睇所以都幾靚，但係我哋來嘅時候都有好多已經凋謝咗啦，呢一條最上峡，揸車行晒全程都要成十幾分鐘，其實都其長下~~

之後我哋就停咗係一個好似道之駅嘅地方到，呢到有得食嘢買嘢同埋可以買船飛係河上面睇紅葉，我哋見到成十二點幾就睇下有咩食啦，入面有一間食店可以睇到條最上峡，一邊食一邊睇都幾過癮。不過我哋去到個時就好多人，有好多位都俾Ｄ旅行團包咗，我哋叫Ｄ員工佢哋又唔so我哋喎，咁我哋咪唯有出去出面個間拉麵到食囉。我哋叫咗一個叉燒拉麵同埋一個咸鹽拉麵食，又幾好食喎~~~食完嘢我哋就入去間商店到食下呢個免費小食啦~~~食完就出去影下相，不過其實都無咩影，但係又有好多人係到參觀個喎....

之後我哋就去呢個羽黒山‎‎，呢個羽黒山‎‎有幾間廟係個出上面，都幾有歷史。但係我哋睇幅地圖應該有條路可以揸車上去個喎，不過呢一條係一條有料道路(400日元)，我哋當然係選擇揸車上去啦，好在揸上去咋，如果要行我諗來回起碼都要成三個鐘先得。上到去有不少嘅旅行團係到，入面有幾間廟都幾古色古香，不過有Ｄ係到裝修緊~~~睇完廟我哋就去咗睇呢個五重塔啦，呢個塔已經有好耐歷史架啦，不過睇呢個塔就要行一段路入去，其實沿住呢條路一路行係可以行返上去我哋頭先睇個幾間廟架~~~如果用步行睇呢個景點應該可以睇到一日~~~

睇完呢個羽黑山，我哋就去鶴岡市到順道睇下嘢啦，呢到有幾個景點睇嘅，就係鶴岡カトリック教会‎、鶴岡致道博物館‎同埋 鶴岡公園，呢到有幾間建築物起得好靚架，又係個Ｄ好有外國feel嘅建築物，不過入去參觀係要俾錢個喎，當然我哋又係係出面影相就算啦~~~睇完我哋就驅車去酒店啦，我哋今晚會下榻呢個スーパーホテル山形駅西口，呢間酒店係呢個Trip我哋係第二次入住，當然去個時又會睇下有無Ｄ咩可以食啦，不過呢個山形市真係幾難搵食，我哋諗住如果搵唔到其他食店就食返上次個間 MilkyWay，不過我哋就都重係搵下有無迴轉壽司食先會放棄嘅，又俾我哋搵到喎....於是我哋就要係呢間 MilkyWay同壽司店到揀喇..最後就揀咗壽司食喇..

但係去呢間壽司店途中我哋見到有一間食烏冬嘅食店喎，叫做はなまるうどん 山形桧町店‎(讚技烏冬)，我哋就決定食少少呢一間再食個間壽司店啦。我哋係呢間烏冬店到食咗一個中烏冬同炸魷魚(好好味)，個中size嘅烏冬其實都幾大下個喎，味道重幾出色添喎...

食原烏冬我哋就去食迴轉壽司啦，今次我哋食咗8碟咋，食咗帶子(買飛彿)、三文魚子、三文魚腩.....好好食呀....

食完嘢就要返酒店啦，因為今日要洗衫呀，不過聽日就唔洗咁早出發，因為原先要去睇嘅景點已經睇咗，所以可以繼續Hea住去睇其他嘅景點啦...
今日天氣就來日本咁多日最好嘅一日，不過途中都Ｄ地方好大霧...
呢一間就係我哋入住嘅古色古香嘅酒店啦...其實佢係可以望到個湖架..

觀音像

呢個田沢湖其實都幾靚...

秋田犬....佢都幾貪玩架..

御座石神社

たつこ像(少女像)

最上峡

好多葉都開始枯緊...

美味嘅拉麵午餐....yummy

羽黒山‎‎

去五重塔嘅途中

呢一個係國寶來架...

鶴岡カトリック教会‎

鶴岡致道博物館‎

鶴岡公園

見唔見到寫住咩...係大寶館....咁有咩寶呢 ?? 唔知 !! 因為我哋無入去..

讚技烏冬...好好食...

呢一間嘅連鎖壽司店我哋成個Trip到唔知幫襯咗幾多次嘅呢

帶子(買飛彿)

三文魚魚腩....yummy

三文魚魚子...

鰻魚就一般啦...

海膽，好抵食啦...

呢個係....唔記得...應該係有帶子嘅...

火燄燒三文魚腩