2009 日本東北之旅 Day 12

2009 日本東北自駕遊 Day 12

日期 : 4.11.2009  星期二

行程 : スーパーホテル弘前 > 日本キリスト教団弘前教会 > 旧弘前市立図書館 > 旧東奥義塾外人教師館 > 弘前市立観光館 > 青森銀行記念館 > ‎最勝院五重塔

‎ > 弘前城 > 高照神社 > 岩木山神社 > Lunch@津軽ラーメン街道 > 千畳敷海岸 >黄金崎不老ふ死温泉 > ウェスパ椿山 > Dinner@ウェスパ椿山

總行程里數 : 116 公里 – 大約 4 小時 13 分鐘

檢視較大的地圖

今日嘅行程比較休閒，首先去睇下係弦前市內嘅西洋建築物，係今時今日就淨返六棟(分別係日本キリスト教団弘前教会、旧弘前市立図書館、旧東奥義塾外人教師館、弘前市立観光館 、青森銀行記念館)，原先係好耐之前(我都唔知幾耐之前)話係有好多棟個喎。睇完晒呢Ｄ西洋建築物之後我哋就去咗最勝院五重塔，呢個塔有五層，起得可靚，附近Ｄ環境襯托下好有味道。睇完我哋就繼續呢個市內遊啦，去咗弘前城到行下，去呢個弘前城睇嘢可以泊係弦前觀光案內嘅停車場有一個小時嘅免費泊車架 !! 係呢個城入面有個公園同埋有個弦前城跡，入面都有幾多紅葉睇架，但係呢~~~我哋去睇嘅時候就落緊雨呀 !!

之後我哋就向岩木山出發去睇神社，呢個東北之旅都去咗唔少神社嘅呢。我哋第一個要去嘅就係高照神社，我哋一路向住呢個岩木山前進途經幾個蘋果園，我哋見到Ｄ蘋果真係好大個，咪落車影下相囉。入咗去個果園又無人理我哋個喎，唔知呢度Ｄ蘋果好唔好食嘅呢 ? 不過我哋由第一日買個袋蘋果都未食晒呀~~~去到呢個高照神社個時，見到兩個中年男女係到，個女個個好似係到向個男個個係到發功咁，用隻手掌放係另外一個人嘅頭上面傳Ｄ真氣俾佢 !! 重有就係重有兩隻秋田犬係到添呀，不過有一隻係無咗一隻腳掌架，但係佢哋就好乖 !! 睇完呢個我哋就去另外一個叫岩木山神社到參觀啦，不過要去睇呢個神社係要行一段幾長嘅路架，都咪話唔辛苦，去呢個神社真係要有神心先得喇。上到去個神社，唔係有好多人，我哋周圍睇下，係出面行咗一陣睇咗一陣無咩特別，行行下見到個天突然黑晒，因為要去返攞車又要行返個段長路，所以我哋就即刻走人啦，好在係臨落雨前上返車咋，唔係就變落湯雞 !! 睇本書仔介紹附近有個地方可以浸腳，於是我哋就去睇睇啦，不過個時重落緊雨，希望去到就無雨落啦。但係去到都重落緊，重要幾大下添呀~~~個浸腳又要係露天地方，所以最後我哋就無浸到腳，不過淨係係架車到望去個浸腳溫泉到覺得Ｄ水都幾熱下，重有就係呢個浸腳溫泉位好似荒廢咗咁無人打理個喎 !!

見時間尚早我哋就去呢個 EML(津軽ラーメン街道) 到行下同埋食Lunch，不過去到原來都差不多成12:30喇，我哋行咗一陣街本來上買一對鞋，都幾靚下，同埋香港應該無呢個款，但係當然唔會即刻買啦，用食Lunch個時間諗下先 !! 呢到有個Food Plaza 同埋尋日行過個拉麵橫丁，睇咗個Food Plaza之後我哋就揀係個拉麵橫丁到食Lunch喇。我哋一人叫咗一個拉麵重加咗一份煎餃子，Ｄ麵質好似老千拉麵個Ｄ質感但係就彈牙Ｄ，而個湯就真係無得頂，最後我成個湯都飲埋，而個煎餃子就一般啦，無咩大驚喜。

食完Lunch就去頭先間鞋舖到試鞋睇下著上腳得唔得啦，但係著上腳之後個型唔好睇，所以最後都係無買到，對鞋重要有Discount架，又九千幾日元減到去六千日元咋，買唔到真係可惜啦~~~

跟住我哋就要離開弦前市起程去黄金崎不老ふ死温泉，沿路都係行海邊，不過個時天氣就唔係咁好，一路行都好大風同大雨，係途中我哋經過一個叫千畳敷海岸，原來我哋一路行緊嘅海邊就係叫千畳敷海岸，其實都幾靚，不過真係好大風雨呀，落唔到車睇~~~

去到黄金崎不老ふ死温泉，原來呢間旅館其實都幾大間下個喎 !! 唔怪得之有個網友成日都想來喇，不過佢來個目的係想浸住溫泉來睇日落就真。我哋揸架車入去個海邊到，見到有個好熟悉嘅地方，就係個個浸露天溫泉嘅位置，不過今日非常之大風重有Ｄ雨，所以一個人都唔見係呢個露天溫泉到浸緊 !! 據網友轉述個館住講話係夏天嘅時間睇日落就最正個喎~~睇完我哋就要去我哋今晚住宿嘅地方ウェスパ椿山(WeSPA椿山)，呢晚嘅住宿費係咁多日最貴嘅一晚，因為係一泊二食，即係包埋晚餐同埋早餐，重包埋溫泉任浸 !! 其實就唔係好想係呢到食晚餐，但係係網上面搵過Ｄ資料，附近好似無嘢好食，應該係話無地方食嘢，所以我哋就揀呢個一泊二食喇。我哋到咗呢間酒店都未夠四點，外面嘅天氣都重係好差，不停落雨同埋好大風。我哋等到四點幾就去Check-in，原來呢到住親到係一棟棟咁架，我哋今晚就住一棟，成棟可以住到四個人，有個廚房，好似紐西蘭個款喎，可以自己買Ｄ嘢返來煮來食，但係呢到附近唔知幾遠先有地方買嘢喎 ! 樓上淨係得一間房，咩都無喇。呢個時間出面重係不停咁落緊雨，如果唔係我哋一定出去睇下四圍嘅環境，因為呢到係網上面睇都幾多嘢玩架，不過唔緊要，無嘢做咪Hea吓囉 ! 夜晚個餐我哋係Check-in個時Book咗六點，見Hea到差不多我哋就驅車去食晚餐喇，係呀，要驅車架，因為呢到真係幾大下。我哋順便去埋浸溫泉個到睇吓，開頭唔知到原來所有住客都係免費架，我哋問下先知咋，於是就決定食完飯休息下就來浸溫泉喇。浸溫泉呢個位置如果係好天的話，佢哋會將佢變做露天溫泉架，又係可以睇住日落浸溫泉嘅地方~~正~~不過我哋就無份啦，因為天氣唔好 !!

去到食晚餐嘅地方，咁啱有Ｄ公司包咗場攪Ｄ唔知咩嘢，我哋Ｄ住客就要去另外一間房到食。講返我哋個晚餐先，個餐有魚生、前菜、牛肉鍋同埋一個麵豉湯，味道真係好一般，食完我哋返去Hea咗一陣然後就去浸溫泉。嘻嘻，我哋去到個時一個人都無，包場~~~溫泉嘅溫度都Ok，不過唔知點解Ｄ水好咸囉，浸完就返去休息喇。

返到去，其實係無嘢做，只係可以睇電視，因為呢到無得免費上網架~~~


日本キリスト教団弘前教会

旧東奥義塾外人教師館

旧弘前市立図書館

弘前市立観光館

青森銀行記念館

弘前城

係去呢個岩木山途中經過一個蘋果園，入面Ｄ蘋果又靚又大隻，真係想扎返隻食下~~~

高照神社

岩木山神社

不知名浸腳位~~~睇唔睇到好多煙飄出來呀 ? 好似好熱咁喎 !!

今日大部份時間多雲...

津軽ラーメン街道Food Court

津軽ラーメン街道拉麵橫丁 - 要自己買飛先架...

等食中...

嘩~~~睇個樣就知道好好味啦，我唔客氣啦...

餃子...味道一般

睇下隻蛋幾正...

黄金崎不老ふ死温泉

其實呢個時候係好大風架 !! 想知幾大風，睇下後面Ｄ海浪就知啦...

就係呢個黃金位....可以睇住日落浸住溫泉啦...

ウェスパ椿山 - 我哋就係住係右手邊個一棟啦，係一棟

地下睡房

廳

廚房同埋大門...

呢到如果好天應該幾正架

浸溫泉 - 浸完溫泉可以係到休息下同埋玩下按摩椅

呢到就係浸溫泉嘅地方啦....

浸前浸後洗身

是日晚餐.....