~~~活在當夏~~~: 2015 荷、比、盧、德、法自駕之旅 Day 1 (3) 係咪打緊風 ??

2015/04/24

2015 荷、比、盧、德、法自駕之旅 Day 1 (3) 係咪打緊風 ??

Day 1 (29 March 2015) 星期日 (大風)

HKG > Amsterdam > Hyatt Place Amsterdam Airport

行車里數　：　30KM (原先應該係少個10KM架....)

今日起程出發，今日係無景點嘅，因為去到荷蘭預計都成差不多八點，攞埋車去到酒店都應該有九點啦，九點我哋係預多咗嘅。我哋班機係係下午點半到起飛，當然係去機場食返個 Lunch 先上機啦，今次就去咗未入閘嘅大家樂到食，其實都係偷方便費時搵啫。不過呢一間大家樂有好多強國人係到食，可能平呱~~~食完我哋就入閘啦，之後就等上機。今次我哋就係搭KLM，第一次搭，D機位都OK，唔頂腳~~~飛機餐有兩餐，上機後大概兩個鐘後，同埋到站前個幾鐘到，味道就一般啦，唔叫難食。但係就無咩片睇囉…所以我都無睇到片~~

班機又唔知點解遲咗成個鐘先起飛，唔知係唔係今日機場好多班機嘅關係。去到荷蘭比原先嘅時間遲咗成40分鐘，其實應該準時到，又係去到機場唔知點解唔可以降落，可能又係多機嘅關係又或者係大風都唔定 !! 落到機過海關都好順利，個海關職員見到我哋係中國人，重同我哋講”你好”，即係有好多強國人來荷蘭玩囉~~~本來我想同佢講”金沙亞咪打”，不過驚人覺得玩嘢的我入房咋…

之後就去咗攞車，去到都幾多人等緊，今次我哋係 Europcar 到攞車。係機場個 Counter 到登記完，之後就要去停車場攞車，開頭我聽到個Counter職員話見到Lift就落到0字就會見到佢哋D職員，點知我哋去到咩都無，咁唯有返轉頭~~~原來係要行到尾，之後都見到有人好似我哋咁未到尾就搭 Lift 落去。去到攞車個 Counter 到都要等一排，因為都幾多人攞車。今次俾咗一架Peugeot 208，後面重有一堆型號嘅 Code 唔知 e咩咩…唔記得咗，應該係新款，因為架車都係行咗唔夠三千公里。Set 好晒D嘢就出發，不過架車轉波有D Chok ，唔知點解 !!

之前 Book 酒店係15分鐘來應該會到嘅，不過因為改路攪到要用多咗成30分鐘先到!! 重有就係唔知點解好大風，好似打緊風咁。我哋去到酒店停車場泊好車推行李入酒店時大風到吹得郁個人， Check in 完就上酒店休息啦。

住宿 :

Name : Hyatt Place Amsterdam Airport

Address : Rijnlanderweg 800 2132 NN Hoofddorp Netherlands

GPS : N 052° 17.612, E 04° 42.959

Tel. : +31205421234

Price : €75.56 (Standard Double Room) + Tax €4.54 (Total : €80.1)

Remark : Included Breakfast and free parking and Wifi

住後感:

Hyatt Place Amsterdam Airport 酒店，都係Booking.com到Book嘅，酒店都係一般格局啦，無咩特別 !!間酒店都幾近機場(如果無封路的話)，又可以免費泊車同包早餐，都算唔錯。房入面都係一般酒店嘅設備，不過沖涼花灑水壓唔係好足，重有浴室用品都係家下酒店嘅All In One，無牙刷牙膏(環保)，WiFi都幾快。其實呢一日我哋有考慮攞唔攞車，直接住係機場嘅酒店，價錢貴幾百，但係反而租多一日車重平多幾百蚊，所以最後都係租車揸去酒店。

今次都要帶兩個喼去，因為每人得23kg