2014 冰島自駕之旅 前言及準備篇

2014 冰島自駕之旅 前言及準備篇

冰島一個2008年宣佈破產，6年後我哋就去咗一趟。係我印象中嘅冰島覺得應該係一個好凍嘅地方(如果無風其實又唔係好凍)，諗都務諗過會咁快就去，所以對冰島無咩概念，打算去之後就去搵資料，旅遊書好少講冰島嘅資料，有都係搭埋其餘嘅北歐國家一齊講。反而係網上面搵到嘅資料重多，係台灣 Backpacker 重要開咗一個 Line 嘅群組添~~

我哋呢個冰島之旅由決定到出發都唔夠兩個月，因為其實我哋都未計劃去邊。其實真係無諗過會去冰島，因為覺得好似好凍咁囉，重有又話D嘢好貴。之後無意中同D Blog 友交流開，佢講緊話將會去冰島。咁就撩起我搵冰島嘅資料，又睇下D機票，發覺都可以去個喎，咁就束成咗呢一次嘅冰島之旅啦~~~

點解咁遲到未買機票都係因為一個火山，係8月個時有爆發嘅跡象，佢哋發出個警告級別係去到紅色，所以一路到係觀望嘅態度，機票一路都未敢買住，驚如果爆咗就唔洗去歐洲都似。不過去到9月中到個危機就好似解除咗，咁就即刻買機票啦，不過價錢同埋選擇咁無8月尾個時睇到咁正...最終我哋計埋搭飛機去咗14日，實際就玩得11日。不過去冰島11日其實都好夠...

交通:

去冰島其實有好多條航線可以去，一係係經倫敦，一係係經挪威，唔係就好似我咁經芬蘭~~今次我哋就揀咗搭 Finnair，睇過係最平同埋時間應該係最少嘅，其實都唔少架，去同返都要係芬蘭機場到等9個幾鐘，不過就唔洗轉幾次機，其實 Emirate 同埋 Qatar 都可以駁機去，不過就要轉幾次機。重有就係可以順便出去芬蘭首都到行下~~但係我係開始搵資料個時見到又D航班係唔洗等咁耐架，不過唔知點解去到最後又無咗喎…
係冰島我都係係由  Akureyri 向返 Reykjavik嘅1號公路到見到有一架去 Akureyri 嘅巴士，其餘嘅只係係 Reykjavik 到見到。所以基本上如果係要環島遊嘅話，自駕無走雞~~

住宿:

冰島嘅住宿普遍都要成HK$600起，住酒店嘅好多都要過港幣一千蚊。呢幾年去開歐洲旅行，都係用 Booking.com 去訂房，佢勝在可以有得免費 Cancel 訂咗嘅房，當然係要係符合訂個間住宿嘅條款先得啦~~~呢一次主要係盡量訂 Apartment ，因為可以自己整嘢食。不過冰島有部份地區，訂唔到Apartment，係因為我去個時冰島已經踏入淡季，所以有部份住宿已經休息，好似米湖 (Myvatn) 就係喇…

租車:

係冰島，想去D特別嘅地方就要租四驅車，因為佢哋有D叫 Gravity Road，又有D係Off Road，即係路面嘅狀況唔係太好，只適合四驅車行駛。其實我租四驅車係因為係雪地上面行駛安全D，因為之前試過係日本行雪地，真係幾危險下，不過租四驅車同普通車嘅價錢差一半到。係網上面搵咗一輪，有D租車公司都有四驅車租，不過最後同一間叫 Blue Car Rental 到租，因為佢哋有一個保險係包沙石導致嘅問題。不過呢一間租車公司係9月中到被大量嘅台灣人退租，原因係因為佢哋話呢一間租車公司濫收費用，譬如話架車個底花咗…然後就收費。不過經此一退車潮，反而益咗之後租嘅人，因為好多都係話收車個時無咩問題~~其實，如果係唔係落雪嘅日子去，我諗我會租私家車，因為冰島好大部份嘅路嘅路況都幾好，只係有D景點就真係幾差下，不過慢慢揸應該無問題~~

行裝:

我哋去冰島嘅時間，氣溫長期都係係5度樓下，呢個都唔係最大問題，問題係冰島無時無刻無論何地都好大風，所以要一件擋到風嘅褸，好在我重有一件10年買落嘅哥倫臂罅重著得(不過D拉鍊頭膠嘅部份有老化，係旅程途中爛咗幾個)。之後就係鞋，呢一個其實都幾重要，因為要保暖又要防水，好在都俾我搵到對好嘢，係 Salomon 嘅雪鞋，成程對腳都好暖，行雪地又無問題，重要真係防水架~~~不過團友就勁D，褸同鞋都要買過晒，全部都係係哥倫臂罅到買，對鞋佢都話OK喎…

食:
係冰島~~~其實我哋唔係係出面食咗好多餐，晚餐食過一次，午餐嘅好多都係食包~~基本上係冰島食一個晚餐大概HK$300-700一個人到，午餐就應該會平一半到喇。不過佢哋嘅超市都有好多肉類同菜買，但係份量就幾多下，如果人多應該會幾好~~~最後都無試到羊肉湯，唔知好唔好味嘅呢...重有係 Reykjavik 到見都有鯨魚同埋 Puffin 肉食，睇到都唔係好想食...