Yahoo 到 Blogspot 另類方案 (5) 最終回 (應該係呱...)

經過無數次試驗、失敗…最後都可以將Yahoo嘅相同埋留言轉晒去Blogspot喇..

其實其他Blog友一早就已經搬晒 D Blog文同相去新Blog到，係我先咁多問題，中間試過好多方法

需預備事項:

(1)   啟動  Yahoo 備份 http://download.blog.yahoo.com

(2)   開個 Blogger, Tumblr, WordPress 嘅 Account (我所介紹嘅方法係唔洗用到 Tumblr 同埋 WordPress)

方法(1) : Yahoo直接匯入到 Blgspot

Yahoo搬去 Blogspot，利用一個叫 BlogTran(最新係1.1版，下載)嘅小型程式將Yahoo Backup咗出來嘅其中一個MT file(e.g. hk-blog_2013-09-02_Moveable-Type.txt) 轉到去適合Blogspot用嘅格式，不過出來嘅效果係淨係得Blog文，如果D相係放係Yahoo入面的話，係會睇唔到

詳細請參考 :

2/3 成功匯入 yblog

方法(2) :Yahoo直接匯入到 Tumblr

Yahoo搬去 Tumblr ，利用Yahoo提供嘅”體驗Tumblr”就可以將個Blog入面嘅Blog文連相一次過搬去Tumblr，不過只可以幫你搬一次，建議啟動咗Yahoo個備份先開始呢個”體驗Tumblr”，因為你已經唔可以再係Yahoo Blog到寫嘢。搬去Tumblr有相，但係就無晒留言

方法(3) :利用 WordPress 匯出到 Blogspot 格式的 xml file

Yahoo搬去 Tumblr，再利用WordPress入面嘅Tools就可以將Tumblr入面嘅Blog文同相一次過匯入到WordPress到，再用 WordPress入面嘅 Tools匯出Blogspot格式嘅xml file。然後就匯入到Blogspot，不過呢都係無晒留言，點解會要過 WordPress呢 ? 因為用佢來入面嘅Tools匯出啱 Blogspot啱用嘅格式

詳細請參考 :

yBlog匯入到 Tumblr 再匯入到 Wordpress 再到 blogspot (1)

yBlog匯入到 Tumblr 再匯入到 Wordpress 再到 blogspot (2)

方法(4) : Yahoo直接匯入到 Blgspot，將相放到 Google Drive

Yahoo搬去 Blogspot，將相 Upload 去 Google Drive，然後就將裝住相個個Folder成個Share to public，將呢個裝相嘅folder 路徑Copy低，然後用 Word 開啟呢個MT file(e.g. hk-blog_2013-09-02_Moveable-Type.txt)，用 Find & Replace (Ctrl+H)，將呢個 MT file 入面嘅 “../images/”轉換成你 Google Drive放相個 folder嘅路徑，完成後另存新檔。然後一個叫 BlogTran(最新係1.1版，下載)嘅小型程式將呢個MT file轉到去適合Blogspot用嘅格式再匯入去Blogspot到，呢一個係最完美嘅搬Blog方法，因為D相都係放埋係 Google到…

Yahoo 到 Blogspot 另類方案 (1)

Yahoo 到 Blogspot 另類方案 (2)

Yahoo 到 Blogspot 另類方案 (3)

建議係你 Google Account入面另外開一個新 Blog用來試匯入整合咗嘅 Blog文同相，而當你成功咗之後，就要記得係匯入去你個Blog之前，匯出返家下用緊個 Blog入面嘅 Blog文，如果係無Blog文就唔洗開一個新Blog用來試啦，直接匯入去個Blog到就得啦。

呢個方法有其他Blog友一試就得咗，我呢…唔知攪咩鬼，個Google Drive基本上係無 Share到D相出去，因為我係一次過 Upload by folder 將D相 upload上 Google Drive，然後先 Share，入到去個folder到見到D相係無Share到嘅，攪來攪去都係睇唔到，所以第一次係睇唔到相。第二次我就Upload by file，跟住就睇到啦，我有成萬幾二萬張相架~~但係都係有時睇到有時睇唔到。有網友又試過將D相 upload 去 DropBox到，辦法應該都得，重有方法就係如果你有網上相簿的話，都可以將D相 upload 去你個相簿到，大前提係佢唔會將你個個file name 改變 !! 我呢…重會試下有咩方法，有容易嘅就同大家分享，如果大家 Search開，有台灣網站有分享可以睇埋，因為台灣個丫嗚都係摺埋，佢哋都要搵地方搬，可能有D好方法分享都唔定 !!

其他網友提供嘅方法 :

コーさん 搬屋記

林澄 轉戰BLOGSPOT

通之廚房: Yahoo 搬家到blogger 步驟

大家重可以去 Google 下嘅，應該重有好多方法，梗有一個啱你用