佢叫毛毛，係舊年我個同事係愛護動物協會領養嘅，不過我同事屋企已經養咗兩隻，而毛毛又唔識自己去廁所大小二便（係呀！我同事啲貓自己去廁所攪掂，唔洗貓砂架），加上佢個女又忙緊考升中試，所以就問我有無興趣養佢啦！見佢個樣儍下儍下咁就養佢啦，加上我屋企又淨返一隻老貓，等佢返來多個伴都好！話咁快就同佢生活咗有一年啦！講返毛毛佢第一首個主人唔知點養佢，攪到佢有一隻眼發痰，最後要切除先得，所以佢家下係獨眼貓，有時啲距離感會差啲！但係佢啲彈跳力真係非常勁，應該可以跳到一米高，佢好鍾意襲擊啲飛行物體架……又鍾意玩啲廢紙整嘅波，會担返來俾你掉俾佢追來玩，成隻狗咁……
posted from Bloggeroid
佢第一手主人可能冇同佢抹眼？
回覆刪除因為見佢都唔係唐猫、雖然唔知毛毛係咩種、但鼻扁嘅猫多眼屎、可能要毎日同佢抹吓會好啲。亀亀都要抹呀…
佢係英國短毛，應該係無幫佢抹眼所以就發痰，然後就遺棄佢...所以佢都好似有Ｄ陰影咁架，有Ｄ突如其來嘅聲佢就會好驚...
刪除我家下一日幫佢抹兩次...
眼屎就無咩，眼水就多..
呀..佢係異國短毛至啱...
刪除我覺得猫嘅彈跳力真係超勁!!! 我睇過一個video, 有隻猫可以彈跳成兩米幾高!!!
回覆刪除係呀...真係好勁..我第一次見到個時都 O 晒咀，點解會跳得咁勁嘅...
刪除