睇完呢個 Richmond區，我哋就直驅去 Hobart 市今晚嘅住宿 Narrara Backpackers
Hostel。沿路去呢個Hobart市嘅路都見到有幾間酒莊係路旁，面積都幾大下添喎，不過我哋首先要去咗Hostel到Checkin先~~~
Hostel。沿路去呢個Hobart市嘅路都見到有幾間酒莊係路旁，面積都幾大下添喎，不過我哋首先要去咗Hostel到Checkin先~~~
Hobart市
呢一間 Hostel 我都搵咗幾耐下，又要價錢平(因為我哋要連續處4晚咁多)又要有位泊車，重要位置方便。睇咗好多間先搵咗呢一間，重同館住貓來貓去咗幾次~~最後就Confirm係Hobart住呢架啦…
因為先前係香港已經Set好晒今次所有嘅住入個攪鬼GPS入去，好快就搵到個間Hostel。不過其實佢唔係好顯眼，要好留心先見到~~~入到去得一個人坐係到，重以為佢係負責人，點知原來唔係，個Reception就要成16:00先有人~~原來個館住一早已經將條鎖匙放咗係個郵箱到，好在我哋以為係負責人幫我哋攞出來。
Narrara Backpackers Hostel
Narrara 入面個樣
攞咗匙，我哋就去攞房喇~~~點知一開門，咦~~點解淨係得張床嘅，無廁所嘅~~~大鍋!!! 於是乎就問下個個疑似負責人喇，但係佢話唔清楚呢Ｄ嘢要等真係負責人嘅人返來先問到，重叫我哋自己打電話去問一問喎~~就唯有等個館主返來問清楚啦~~係等嘅期間就周圍睇下間Hostel嘅環境同埋睇下如果真係無有廁所嘅房可唔可以接受到呢~~睇過下廁所同房嘅距離都幾遠下，下下都要走出來都幾麻煩! 呢一間有廚房、洗衣間同埋一個泊到大約3~4架車嘅停車場，如果泊滿咗的話可以泊係Hostel對出門口位置，重有就係有免費Wifi…
睇完就繼續等呀等~~等到差不多成16:30 Reception先有人返，係個女仔來嘅。
於是就將個問題同佢講重問下佢哋有無D有廁所嘅房，但係佢其實係館主個女來嘅，佢都要打電話問下佢亞爸~~經過一輪嘅電話，佢哋係有一間房有廁所，係六人房來嘅，但係4日裡面就有其中兩日已經租咗俾人啦~~~噢 !! 咁點算呢 ?! 今晚咪無有廁所嘅房瞓 !! 之後個個女仔又打電話，原來佢係打俾館住，之後又幫我哋打去問下附近嘅一間 Hostel有無房係有廁所可以俾租俾我哋，又好好彩有一間房可以租俾我哋喎…個間Hostel叫 Hobart Hostel，就係呢間 Narrara Backpackers Hostel行前大約150m到啦~~個女仔就叫我去睇下間Hostel D房先，睇下又無問題~~~
於是我就行去睇下間Hostel同埋睇下D房得唔得啦，去到同個館主聯絡咗，然後就去睇下間房啦，呢一間房係Family Room，基本上可以瞓到5個人，最重要係有廁所嘅~~oh yeah~~解決咗呢個大問題啦，但係其實諗諗下呢一間我先前都係網都搵過下，無Book佢嘅原因係因為無得泊車，咁呢幾日泊車問題點算呢 ? 不過都唔理住先啦，呢一間房租盛惠係AUG$78/night，原先個間就係AUG$60/night，但係都係個句啦，可以搵到真係幾好好彩啦，同埋有一個熱心嘅人幫咗我哋~~呢一次真係出路遇貴人啦，無幫佢哋租房重可以幫我哋搵到間有廁所嘅Hostel住嘅~~
Hostel Reception
Hostel 大廳
Hostel Outlook
OMG...how can accept without toilet...no mood at all...
回覆刪除[版主回覆12/18/2011 14:20:25]yes...it is a big problem to solve on that day....好在，真係出路遇貴人...最後都搵到間有嘅..
無私人廁所連續4日, 又真係好難頂0既!!
回覆刪除但之前果間hostel, 你同佢book果陣, 大家有無講明廁所的問題0架?
定係館主搞錯, 俾左間無廁所的房你地呀??
幸好最後搞掂, 如無私人廁所, 對我地女仕來講, 係一件極度唔方便的事情
[版主回覆07/26/2012 08:09:01]我係 booking.com 個到訂房嘅，不過妳都可以直接同佢哋 deal ，可能會平Ｄ添...
機本上我 book 個Ｄ係通常12~24小時內取消先收錢，如果妳 book 咗又無住的話當然係會無咗個 deposit啦....所以如果真係決定唔住而又有足夠時間 cancel 的話就 cancel 咗佢
[anissa回覆07/25/2012 22:24:41]你係唔係直接在Narrara Backpackers Hostel 自己網址訂房, 所以未付房錢? 但應該都有付deposit, 如果現在冇住, 會唔會lost 咗deposit?
[版主回覆12/23/2011 05:28:15]係呀...所以去到見到間房係無廁，即刻"吓"咗一嘢...
[JJ回覆12/22/2011 12:13:37]eeee....ensuite, 都應該係有toilet丫
[版主回覆12/21/2011 21:46:46]我係 email 到話要一間 double ensuite 房...不過最後我就無問多一次係咪真係房入面有廁所~~真係好在佢又肯幫我哋係附近到搵到間 Hostel 咋~~
無廁所真係好唔方便架..
ha...仲以為你又去左旅行tim
回覆刪除[版主回覆12/24/2011 11:42:06]哈哈~~邊有得成日都去旅行咁好呀...妳呢 ? 放假有咩做呀 ?
HI
回覆刪除想問Hobart hostel你覺得ok唔ok呀 ?
thanks
泊車問題又可以點解決?
[版主回覆09/23/2012 21:22:53]你要睇下你去呢個地方有幾耐，然後計劃下條路線要點行同埋要去睇咩景點，每一個地方需要留幾耐，咁你就可以Book住宿啦...
[蘇斯回覆09/23/2012 16:36:03]唔好意思,我未plan過行程架...
我係咪應該plan好晒咁多日既景點,先再每個地方搵地方住咁呢?
嘻嘻,希望唔好嫌棄我既問題白痴... :p
[版主回覆09/23/2012 13:40:16]價錢呢一間都叫Ok架啦..不過有時間可以再搵下先都得
[蘇斯回覆09/23/2012 11:16:03]THX
可以多個ref.因為唔想住太貴啊
[版主回覆09/23/2012 07:10:14]呢一間都幾Ok喎，有Wifi，有廚房，但係附近就無咩買嘢同食嘢嘅地方，不過可以揸車去。泊車係門口去面有錶位~~錶位有多數係18:00之後都唔洗收費，星期六及日有Ｄ錶位重係免費添(不過泊個時就要睇下個收費時間先)，因為日間會出去玩，所以無咩問題