Çanakkale > Truva Arkeolojik Kenti (特洛伊遺跡)(Truva) > Bergama Akropolis (衛城)(Bergama) > Kizil Avlu (紅色教堂) > Izmir > Residence Comfort Izmir @ Izmir
今日七點幾就起身啦，因為諗住慢慢去Ｄ景點呀嗎。執返好Ｄ眼耳口鼻之後就去食早餐，呢一酒店嘅早餐都唔錯，重要有幾多選擇添呀~~~我哋重要又食又拎添呀，因為攞定係途中如果肚餓都可以頂住先呀嗎~~~
今日個天氣好好呀...真係正...
咪睇間酒店好似幾細下，其實都幾多嘢食架..
土耳其茶都幾好味個喎，不過一定要加兩粒糖先得，唔係就會好難入口啦..
食完嘢我哋都係係房到Hae一陣先出發啦，好啦...今日第一個景點就係Truva睇木馬，呢個係西元3000年前係一個愛琴海，如果大家有興趣可以去睇下呢到嘅歷史啦(特洛伊城)，呢到最出名就係木馬屠城記。
由酒店去呢個景點都唔洗半個鐘就到啦，我哋去到個時有一、兩架車泊咗係到，未係咁多人。呢到入場費承惠每人15里拉喇，好在泊車唔洗俾錢啫 !! 一入到去就見到隻木馬啦，我諗呢一隻應該唔係個一隻木馬喇，周圍影下相先，因為無咩人所以點影都得~~~之後就入去睇下Ｄ遺跡喇，Ｄ遺跡就係個特洛伊城啦，其實成個城都唔係好大，行一陣間就睇完喇。呢個遺跡入面其實都係一堆二堆嘅爛石，如果無睇過一Ｄ歷史呢，真係唔知呢Ｄ嘢係咩來，所以有好多外國人會請一Ｄ導遊帶佢哋去睇順便會講下每一個地方嘅歷史俾佢哋知~~~而我哋呢....就鍾意自己去估下囉，有時咪行埋去Ｄ外國人隔離聽下囉...
木馬入面...
特洛伊城遺跡
你睇下佢哋幾嘆
wa...you are so strong. I've never thought of driving wor when I went to Turkey, only flights and buses, looks very long driving and tiring >_<
回覆刪除[版主回覆11/17/2010 04:43:00]嘻嘻~~~其實土耳其都係一個適合自駕嘅地方，不過有Ｄ路程都幾長，所以要去耐少少，咁就唔洗一個點去一個點揸咁耐~~~其實有好多人都係妳個種玩法，因為會慳返Ｄ時間係交通上面
Day 3已經有自駕的麻煩事0拿!!
回覆刪除係咪語言不通, 都係一大影響呢?
[版主回覆11/22/2010 19:15:00]啱啱用個 GPS 有Ｄ唔係好識用呢~~~跟住佢，點知行埋Ｄ村路囉~~~
嘻嘻....之後我成日都落車問路，唔識講就咁手指指都得
搭纜車睇乜呀?
回覆刪除[版主回覆11/22/2010 19:17:00]睇一個遺跡，但係唔知有纜車搭呀~~~~個遺跡係一個幾大嘅景點，不過就係因為我哋玩咗一段 Rally 賽道，無咗成兩個幾鐘，最後都無入到去睇呢個遺跡呀~~~
唔緊要啦, 始終唔係跟團, 唔會所以行程的景點都MUST 睇到呀!!
回覆刪除雖然無得睇呢個遺跡, 但就有一段難忘獨家的駕車經歷! (呢D就係自助遊的樂趣喇)
[版主回覆11/23/2010 04:59:00]係呀~~~我哋都係抱住睇到就睇，睇唔到就算吧....因為中間去個段都係旅程嘅一部份
酒店早餐，枱上有碟黑色的咩嚟ga？係咪麵包？
回覆刪除[版主回覆12/02/2010 05:02:00]甜品來架，都幾好味，但係都真係幾甜..