經過一晚嘅休息，諗住遲Ｄ先起身，不過其實都唔係好遲 !! 係日本嘅六點鐘就起身啦(其實係香港嘅五點咋!)，執返Ｄ眼耳口鼻之後就落去食返個美味嘅早餐先 ! 我哋今次選擇SuperHotel做膽嘅其中一個原因就係因為以佢以呢個價錢都有咁嘅早餐食(同東橫Inn差不多，有部份重要平過東橫Inn添呀 !!)
SuperHotel 嘅早餐聲稱係用天然同新鮮嘅材料烹調，不過我就唔理佢用咩料啦，有得好似食Buffet咁有得揀嘢食個喎，雖然款式唔多，但係就好好味喇...重有就係佢哋係早餐時間嘅時間有一部飲品機可以免費俾Ｄ住客飲所提供嘅飲品，通常實有咖啡、重有Ｄ有汽水、粟米湯、奶茶、健康飲品...款式都有好多，最重要係任飲，啱晒我哋啦..
間房望出去嘅景物...(係......無嘢睇嘅...)
睇下有咩食先...基本上實有嘅沙律、魚、麵包之類嘅食物
嗱...自助架，想食幾多就攞幾多..食完就好滿足架 !!
睇下Ｄ麵包都有幾款俾你揀，重要係唔差個喎...
呢一間就係我哋第一晚住嘅酒店啦...
食完早餐，我哋就上去房到Hea下，上下網打下機、睇下電視、辦下工，攪下呢樣攪個樣就去到成九點幾喇..於是，我哋就決定九點半正式出發啦...
其實你是去公幹定旅遊?
回覆刪除自助餐好豐富,回來是否增磅了?
[版主回覆12/02/2009 18:54:00]哈哈...係去玩架..如果有份工有得咁樣又唔錯呀~~~又無肥到喎...反而有人話我減咗添
原來個早餐咁多嘢食ga!!!!麵包得，即刻加分啦(我好鍾意食麵包ga!!!)咁你有冇飲佢個粟米湯？好唔好味呀？
回覆刪除[版主回覆12/03/2009 04:54:00]其實日本Ｄ麵包真係幾好味，好軟熟....個湯係凍嘅時候飲真係好正，但係又唔係間間有囉
嘩 ...... 你去咁多日食咁多嘢都無肥到????? 真係羡慕又妒忌呀
回覆刪除[版主回覆12/03/2009 19:18:00]無肥到呀...我都會以為自己會肥咗，點知有人見到我話我瘦咗..見到咁多好嘢食，有時真係忍唔到口...
Wa~many choice ....wake up so earlier also worth! I remember make me unforgettable is the baby tomato which I always can enjoy in Japan hotel breakfast! Even their congee also very nice!
回覆刪除[版主回覆12/05/2009 15:31:00]yes yes...the baby tomato is good~~~congee....not every hotel provided but rice can find in every morning