佐敦新斗記

上個月同屋企人慶祝生日去咗佐敦新斗記食個晚餐，係網上面睇過下Ｄ資料，真係好壞參半，但係有一樣嘢就係要打電話去訂位先有得食 ! 但係個電話一係唔通一係就長響無人聽，真係少Ｄ恆心都去唔到唔到呢一間酒家食嘢 !

我哋夜晚7點去到已經差不多成間舖坐滿人咁濟，好在訂咗枱啫....我哋都係點Ｄ招牌菜食...

餐牌....好似同我係網上面其他網友影嘅有Ｄ分別，唔知係唔係近母親節嘅關係呢!!

燒乳豬 - 都幾好味，香脆可口，但係有同枱人話咸咗Ｄ.....有水準

燒鴨 - 比較咸咗Ｄ，重有就係有Ｄ穌味~~~可以話係一般貨色 !

煎蠔餅 - 好味，一陣就俾人食晒 ! 但係蠔仔嘅份量唔係好多~~~

啫啫魚頭煲 - 呢一個真係估唔到佢原來係將Ｄ魚頭全炸，所以有部份人唔鍾意食，同埋好少肉，食兩食就食晒，唔抵 ! 不過都幾香口~~~~

琵琶豆腐 - 幾好食，但係又係咸咗Ｄ...唔知係唔係個廚師唔開心呢 ?!

芥蘭炒牛肉 - 呢一個簡單嘅餸原來都幾好味喎....味道啱啱好 !

生炒排骨 - 味道唔錯，但係份量就少咗Ｄ....

蒜蓉炒?菜 (唔記得呢個係咩菜)

重有個粥

蟹蒸飯 - 好好味.....不過蟹嘅份量就少Ｄ....

總括來講整體都可以，但係唔知點解我哋個日食幾個餸都偏咸，係咪個廚師個日落鹽比較重手咗呢 ? 重有其實呢一間酒家食嘅嘢都幾貴，不過都可以一試 !!

酒家資料 :

地址 :佐敦長樂街18號18號廣場地下及1樓

電話 : 2388 6020