今日起身見到個天，嘩～～正! 天宮造美...於是我哋就快快手起身食完早餐就去遊 Dubrovnik 舊城圍牆啦...
呢個圍牆差不多有成二千米長，建於8-16世紀
入場費每位KN$70，一上去睇有Ｄ似強國嘅萬里長城(雖然我未去過)
不過係入口附近有Ｄ人係到做Ｄ維修工程，攪到塵土飛揚好唔掂...
今日真係可以講係風和日麗，唔係好熱又有太陽，重要唔係好多人..
不過係條大街到就見到有好多團係到遊舊城啦
行下行下我哋用咗差不多個半鐘行完，一路Ｄ風景都好正
之後我哋就去買青口，2KG...正，順便去埋超市到買埋今日Lunch同Dinner嘅嘢食..
之後又要行個條成二百幾級嘅樓梯先返到Apartment....
上返去Apartment 到整 Lunch 同 Hae 咗一陣，又落返舊城到睇下其餘嘅嘢
之後又返 Apartment 到休息下
本來諗住搭 Cable Car 上山頂到睇 Dubrovnik 全貌，不過原來可以揸車上去，於是我哋就揸車上去睇啦...因為呢個 Cable Car 來回票要成 KN$87一個人架
沿路去都有Ｄ幾靚嘅位置可以影相，不過停唔到車
之後上去山頂條路係單線雙程行車，要慢行
上到去..咦...除咗睇個全景之外就無咩嘢睇，附近重有個可能係之前嘅城堡
不過係1991年嘅內戰受到破壞，要入場費．．．對我哋來講當然係走人啦．．．
嘩～～不過呢個位睇夜景應該幾靚，不過夜晚上呢段路到幾危險
所以我哋睇完就走人．．之後係馬路邊又搵到個位影下．．
然後就返 Apartment 到整 Dinner 同休息，今日真係好．．．個天氣非常好，多謝上天．．．
重有兩日就返香港，要睇嘅嘢都睇晒．．呢兩日其實係會去下附近嘅地方睇下嘢
But．．天氣預報又話落雨．．落雨咪就繼續Hae下囉．．
重要調整下個時差先得．．．
今日就要係黑山返去克羅地亞啦，今朝都係繼續落雨，重要行雷閃電添....
咁我哋就唯有遲Ｄ先出發啦，今日原先係會經過 Bay of Kotor 同埋 Herceg Novi古城，
唯有睇下去到個時會唔會落雨啦...
大約十點到走人，個Apartment 主人問我哋瞓得好唔好..
我哋話好，不過我就話佢Ｄ Facilities 好多都有問題，全部話佢知
因為我覺得佢其實都幾好人，佢話我知佢係唔知有呢Ｄ問題，
係佢老婆負責清潔Ｄ嘢同埋執房入面Ｄ嘢，所以佢唔知到
我哋走嘅時間都重落緊雨，一路沿住條路行返克羅地亞會經過 Bay of Kotor
Ｄ風景都幾靚，如果有埋藍天肯定好正...
一路行都落唔到車，因為實在太大雨，但係又有好多旅行車停係一Ｄ景點到喎..
所以黑山其實應該好多遊客，如果到咗旺季一定又係好多人個隻..
兩個景點去完，個GPS重話有成3個幾鐘先返到克羅地亞喎...
原來係佢過咗第一景點無Del到，去完第二個景點又返返去第一個景點喎..
好在發現得早唔係就會係到遊車河，不過都已經遊咗一陣..
過關都好順利，大約一點幾就到咗係克羅地亞嘅 Apartment
呢一間係係 Ploce ，係舊城區隔離
個Apartment住人有Ｄ似白粉道人....呢到有得泊車，行落去舊城十分鐘，行返上來就要十五分鐘
但係其實都幾方便，50米到有間Supermarket
行30米到就係纜車站~~~~入面Ｄ Configure 又幾好喎...
重有個舊城 view 添...正
我哋來到都重係落緊幾大雨，咁就唯有 Hae 下先喇...
Hae 咗幾個鐘就細雨咗Ｄ，我哋就出去睇下附近有咩買同有咩食
落咗舊城到睇下，重有搵 Blog 友 Mable 介紹有青口買嘅舖頭
搵到間個門口好似係，但係入面Ｄ嘢有少少唔同，不過應該都係..
我哋四點幾去到，原來佢日係開 07:00~12:00, 17:00~19:30
我哋唯有去附近行下睇下重有Ｄ咩睇啦...
行行下見到有雪糕食又買來食~~~都幾好味...
之後行行下出咗舊城區，去咗 Pile 區
呢到就無咩睇嘅...
之後就入返去買青口，去到Ｄ青口放咗係門呀...
我哋就買 2kg...價錢係 KN$23 (即係HK$35到)
嘩，重平過係Rovinj買，Rovinj買 1 kg 已經要 KN$25 啦...
正...之後就去埋Supermarket 到買埋其餘Ｄ嘢食就返 Apartment 整嘢食啦..
聽日應該好天，因為睇個天光返同埋天氣預報都話好天...
聽日我哋就係遊古城啦....
今日就離開波黑去黑山，車程要六個幾成七個鐘，所以我哋就六點幾就出發。呢間酒店其實係包早餐，不過就要八點先有得食..
原先本來係行另外一條路徑去黑山，會經過佢哋個首都...但係因為問過兩個人都話行經Mostar個邊會好行Ｄ，所以就無行個邊...
好在揀咗行經Mostar，因為成程都落好大雨，之前入波黑都係行呢段路，幾好行...
如果行個邊，個GPS無神神又帶我哋行山路，再加埋Ｄ咁嘅天氣就真係好麻煩...
今日總共過咗4次關...由波黑去克羅地亞、
克羅地亞去波黑、
波黑去克羅地亞同
克羅地亞去黑山...
去到黑山點幾鐘，搵咗住宿..但係間房未準備好...
我哋就唯有出去睇下Ｄ景點同搵地方食嘢，呢到搵唔到地方食嘢，咁我哋就要食包啦.
去咗睇個SV.Stefan 小島，我哋都係遠距離觀看，因為個住宿個主人都係咁介紹
然後就去咗Budva古城睇下..
之後就返住宿整晚餐，呢次呢間住宿唔係好得，Ｄ設備全部有問題...
聽日就返去
克羅地亞 Dubrovnik 啦...
今日要由Mostar移動到Sarajevo，車程要兩個鐘，我哋大約八點幾就出發....臨走時Pansion主人送咗一支紅酒俾我哋...
今日又係落雨....
沿途上去 Sarajevo 途經嘅地方都好靚，好有瑞士Feel...
我哋大約十一點到到咗Sarajevo，無咁快去 Hotel..(係..今日住 Hotel)
想去咗呢個 Tunnel of Hope 或者叫 Tunnel of Love，上網搵咗資料，佢網頁有個 GPS..
去到竟然係一個 International Airport...吓..唔係呀嗎...見有個牌咪跟住行囉
去到見到有間爛屋...有個牌指住 Tunnel of Love 但係係一間好似棄置嘅屋似的
咁啱有個當地亞伯泊咗架車係到，我咪買下佢囉
佢講咗一輪唔知咩話，又指住自己架車,,,,
呢一個 Moment ，我好強烈咁覺得呢個亞伯係係到執死雞
等Ｄ人搵唔到，佢就帶人去，不過就收錢..
呢Ｄ嘢我當然係睬佢都傻，我哋咪最多返Hotel再問下酒店Ｄ人點去...
之後返咗酒店...呢一間酒店位置都幾好，就係市中心對面..Latin Bridge 隔離..
我哋未夠十二點就去到，呀~~呢間酒店又幾好人喎...俾我哋 Check in..
之後就出去食咗 McDonald...然後再去搵 Tunnel of Hope...
搵咗一陣先搵到
呢個 Tunnel of Hope 都幾值得去，睇完佢哋播Ｄ片好深感覺..
見到Ｄ子彈造成嘅遺跡就更加大感覺...
之後睇完，就泊車返酒店去市中心行，睇完就食埋 Dinner 先返酒店
聽日就要離開呢個波黑...只係兩日感覺...已經好深刻
Ｄ人無咩笑容，唔係個個都好Nice..
馬路上面有小朋友幫人抹窗攞錢，感覺好似20年前嘅強國人...
但係其實呢個波黑真係好值得去，如果天氣好重正...
好彩嘅係我哋係市中心行嘅時候無落雨...
好...聽日要揸六個鐘頭車去黑山，原先係行四個鐘
問過下住個到同埋酒店入面嘅人行邊一面好Ｄ，都係建議行經 Mostar 去會好Ｄ...
今日係要由Split去Mostar，車程就要兩個幾三個鐘先到。重要係過境入Bosnia and Herzegovina (波斯呢亞和黑塞哥維那，簡稱波黑)，先前都睇過下有Ｄ Blog 有人自駕入去
波黑 ，問題都不大....
為咗節省Ｄ時間，我哋就行高速公路...但係去到一個要轉咗嘅路口位附近無神神改道，重要無得轉落去個個路口出完先GPS帶行嘅路....之後個 GPS 又係一塊綠地上飄移....一路行一路行都唔知去咗邊...有Ｄ似係土耳其行山路嘅感覺，唔同嘅呢一條係高速公路...
我諗係呢條路資料好新所以GPS就無資料...好在去到最後有個收費亭問下人照行都出返有資料嘅路...
去到邊間，要排一排隊先...過程都好順利，係
波黑個邊有Check到架車嘅 Green Card (呢一個係租車公司係呢個國家行駛買嘅保險)
一路行Ｄ路都幾好行，但係就唔行得快，因為Ｄ車都好守規矩....
去到 Pansion 都係 11 點到，好在 Pansion 主人俾我哋 Check in
因為出面重落雨，所以我哋都未立即出去，之後等到差不多12點，都要出去
雨勢普通但係加埋風就真係幾勁下...
行到去老橋Stari Most附近都有唔少遊客，如果係有陽光嘅日子，呢到影相一定好靚...
期間重有人係到跳橋添呀....行去睇條橋嘅途中都見到唔少戰爭遺留落來嘅痕跡...
我哋係條橋附近睇下嘢，搵咗間餐廳食咗個 Lunch ，
雨都係重未有停，重落得唔細
咁我哋唯有返 Pansion 休息
之後Ｄ雨同風都無細過.....我哋就唯有係 Pansion 入面 Hae...Hae 到傍晚都重落緊
咁我哋唯有食乾量做晚餐啦....
是日睇得唔係好多嘢...
今日嘅行程其實都幾 Hae 下，但.....今日天氣就唔係好好喇...
朝早去個個露天廣場，其實係一個街市來嘅....
有菜有肉同生果買....
之後就驅車去 Trogir 到睇一個世界文化遺產嘅教堂
車程都係大約半個鐘到....去到就開始落雨
個Church 我哋無入去睇，因為我哋其實對Ｄ入面嘅嘢係無咩興趣
睇完就走人，返去 Split ，個天都重係落緊雨
去到 Split 附近有個商場，我哋入去睇下有咩嘢買，同埋睇下有無嘢食
係佢哋嘅一個 HyperMarket (我諗勁過 Super 呱...) 到買咗今晚嘅嘢食
之後就返去 Apartment ，雨重落大咗.....
如果唔落雨其實可以去古城附近行下..
不過無得行，係 Apartment 到 Hae 下同埋睇下聽日去波黑Ｄ嘢都得...
今日真係幾 Hae....
