今年無咗個秋季大旅行，咁就去下附近嘅地方到玩下喇。剛剛港珠澳大橋又通咗車，於是就去一次澳門快閃一日遊啦。
講起澳門，我諗我都有成十年無去過，因為無咩特別嘢可以玩~~~
由呢個港珠澳大橋去澳門可以搭港鐵去欣澳站(B5 - 欣澳站 <> 港珠澳大橋香港口岸人工島)或者東涌 (B6 -東涌<> 港珠澳大橋香港口岸人工島)，然後搭金巴去港珠澳大橋澳門口岸。
我哋去個日因為係閒日，所以未係有咁多人。不過之後嘅星期六同日，去港珠澳大橋同埋東涌都係人患。
個日我哋9點幾就到咗欣澳站，已經有好多人係到排隊搭呢個B5去人工島，不過有九成或以上都係長者來嘅~~~
我哋排咗大概5分鐘到就有車上，不過架車唔知點解要入一入去迪士尼先再去人工島。大概18分鐘到就去到香港口岸人工島，一入旅檢大樓門口就見到有一部機係搞澳門e道嘅，咁我哋就登記下啦。不過就唔係好暢順，我要試咗好多次先做到指紋認證，團友又係，整整下佢話麻煩就無登記到~~~
香港過關非常暢順，一陣就搞掂~~不過我哋係排人手過關，因為無神神有一班應該係強國人排晒去e道，佢哋當然係過唔到關喇，所以會阻住後面啲人...
過咗香港關，就去金巴嘅售票處到買車飛去搭車去澳門，呢到有十個售票處同埋有自動售票機可以買飛去澳門或者珠海。去澳門或者珠海嘅票價一樣，日間$65，夜晚就$70。 自動售票機可以用八達通、支付寶或者微訊俾錢...
之後我哋就係入面到行下睇下有無嘢買，入面間OK便利店個貨架係無晒嘢食(唔知係俾人買晒定係無擺貨上去呢?)。呢到有一間華御結，我哋其實就未食早餐，所以就係呢到買咗件飯團食。
之後就會去搭金巴去澳門，我哋大概十點三個字上車，差不多十一點就到咗澳門，都要成四十幾分鐘先到。
去到澳門過關都好快下，跟住啲指示就會可以去到搭車去澳門市嘅地方。呢到有啲酒店嘅免費專車搭，不過要去氹仔個邊再轉車去澳門半島。
所以我哋就搭巴士去澳門半島個邊，呢到有101X同會去澳門半島個邊，重有一架102X就會去氹仔，車費就MOP$6(HK$6)。如果去氹仔梗係搭酒店免費車啦...
呢架車都幾多人搭，重有唔少長者搭添~~~
我哋係海邊新街呢個站落車，首先就去食咗嘢先，我哋去咗雀仔園街市到嘅釗記美食到食撈麵，叫咗一個雞扒撈麵同一個炸魚餅併豬大腸撈麵，再加一支酸梅湯。啲雞扒、炸魚餅同埋豬大腸都好好食，尤其係炸魚餅同埋豬大腸真係好好味。支酸梅湯就賣10蚊，原來係幾抵個喎，因為一返到去大三巴個邊同一個份量嘅要賣緊25蚊~~~~
食完我哋就去睇下一間澳門可口可樂博物館，點知去到就閂咗門嘅~~~
咁我哋就去去大三巴到影下相。十幾年無來過，感覺呢到遊客區咗好多，重有就係就呢到嘅食店買嘅嘢重貴過香港。重有有好多間鉅記...真係緊有一間係左近~~~
影完相就去買下啲手信，澳門有一間賣杏仁餅嘅最香餅家，啲餅就用炭去整嘅....話都幾好食個喎...
去嘅途中買咗杯嘢飲，呢一間最香餅家都幾多人來買嘢，但係可能平日，假期唔知係咪會多啲人買嘅呢?
之後我哋就去氹仔個邊睇下個巴黎鐵塔，問間餅家點搭車去氹仔，佢哋居然係唔知喎~~
好在有得 Google ，行出去條馬路就有得搭喇...我哋係澳門威尼斯人附近落車，首先就去幫襯下個廁所先，然後就去咗賭場到玩咗一陣大細機~~最後係打和~~~
玩完就去咗官也街個邊行下，睇下有無嘢買。點知又係無收穫，啲豬肉乾都唔好食嘅，反而係元朗冠環球咁好食，呢間冠環球間老舖其實係澳門。本來想食下呢個榴槤雪糕，嘩~~但係要成65蚊我哋覺得真係幾貴下囉~~不過我哋都有係到試食咗一啲嘢嘅。
之後就諗住去巴黎人，諗過係威尼斯人到穿出去澳門巴黎人個到，但係搵唔到個出口。最後，我哋係外圍兜咗一個圈去，頂~~~原來真係有個門口出去嘅...
我哋之前來澳門都未有巴黎人，呢一間巴黎都幾多人參觀，要上個巴黎塔就要俾錢。我哋當然係無上啦，淨係係出面影相，係巴黎人入面行咗一陣就回程啦。
呢到啲酒店有車去港珠澳大橋澳門口岸，不過就要係中途到轉車，個架車應該係啲酒店夾份嘅，因為所有酒店嘅客人都可以搭~~~
係澳門過關好快，但係買金巴車飛就唔可以用自助售票機，因為要用大陸支付寶同埋唔記得邊一樣嘢，總之我哋係無嘅啦，咁就去 Counter 到買喇...
返去嘅人都唔少，要等兩架車先有位上。不過個關個時睇到佢哋寫個服務時間係 0600-2200 ，咁其實呢個口岸嘅過關係咪24小時㗎?
所以我哋就搭巴士去澳門半島個邊，呢到有101X同會去澳門半島個邊，重有一架102X就會去氹仔，車費就MOP$6(HK$6)。如果去氹仔梗係搭酒店免費車啦...
呢架車都幾多人搭，重有唔少長者搭添~~~
我哋係海邊新街呢個站落車，首先就去食咗嘢先，我哋去咗雀仔園街市到嘅釗記美食到食撈麵，叫咗一個雞扒撈麵同一個炸魚餅併豬大腸撈麵，再加一支酸梅湯。啲雞扒、炸魚餅同埋豬大腸都好好食，尤其係炸魚餅同埋豬大腸真係好好味。支酸梅湯就賣10蚊，原來係幾抵個喎，因為一返到去大三巴個邊同一個份量嘅要賣緊25蚊~~~~
食完我哋就去睇下一間澳門可口可樂博物館，點知去到就閂咗門嘅~~~
咁我哋就去去大三巴到影下相。十幾年無來過，感覺呢到遊客區咗好多，重有就係就呢到嘅食店買嘅嘢重貴過香港。重有有好多間鉅記...真係緊有一間係左近~~~
影完相就去買下啲手信，澳門有一間賣杏仁餅嘅最香餅家，啲餅就用炭去整嘅....話都幾好食個喎...
去嘅途中買咗杯嘢飲，呢一間最香餅家都幾多人來買嘢，但係可能平日，假期唔知係咪會多啲人買嘅呢?
之後我哋就去氹仔個邊睇下個巴黎鐵塔，問間餅家點搭車去氹仔，佢哋居然係唔知喎~~
好在有得 Google ，行出去條馬路就有得搭喇...我哋係澳門威尼斯人附近落車，首先就去幫襯下個廁所先，然後就去咗賭場到玩咗一陣大細機~~最後係打和~~~
玩完就去咗官也街個邊行下，睇下有無嘢買。點知又係無收穫，啲豬肉乾都唔好食嘅，反而係元朗冠環球咁好食，呢間冠環球間老舖其實係澳門。本來想食下呢個榴槤雪糕，嘩~~但係要成65蚊我哋覺得真係幾貴下囉~~不過我哋都有係到試食咗一啲嘢嘅。
之後就諗住去巴黎人，諗過係威尼斯人到穿出去澳門巴黎人個到，但係搵唔到個出口。最後，我哋係外圍兜咗一個圈去，頂~~~原來真係有個門口出去嘅...
我哋之前來澳門都未有巴黎人，呢一間巴黎都幾多人參觀，要上個巴黎塔就要俾錢。我哋當然係無上啦，淨係係出面影相，係巴黎人入面行咗一陣就回程啦。
呢到啲酒店有車去港珠澳大橋澳門口岸，不過就要係中途到轉車，個架車應該係啲酒店夾份嘅，因為所有酒店嘅客人都可以搭~~~
係澳門過關好快，但係買金巴車飛就唔可以用自助售票機，因為要用大陸支付寶同埋唔記得邊一樣嘢，總之我哋係無嘅啦，咁就去 Counter 到買喇...
返去嘅人都唔少，要等兩架車先有位上。不過個關個時睇到佢哋寫個服務時間係 0600-2200 ，咁其實呢個口岸嘅過關係咪24小時㗎?
欣澳站
跟住指示去搭B5
已經有一條人龍係到等車
架車都座咗9成滿
港珠澳大橋香港口岸人工島
旅檢大樓
自助買飛 - 金巴
之後就行出去搭車去澳門
又係一條人龍，不過應該係多埋內地嘅人
港珠澳大橋澳門口岸
過完關跟住行就會去到地下呢到，之後再轉個灣就去搭車
右手面個到啲巴士全部都係賭場啲巴士，去氹仔個邊
行去左手面就會有101X同埋102X搭
澳門半島
我哋係海邊新街落車
大三巴附近嘅街景
係大三巴附近有條街有好多檔好似香港嘅車仔麵嘅食店，好多都係賣牛腩嘅，不過價錢唔平
見到有榴槤嘅嘢食，但係超貴
雀仔園街市
圍住個街市有好多攤檔
我哋就係係呢檔釗記美食到食嘢啦..
雞扒撈麵
炸魚餅加豬大腸撈麵
再加支酸梅湯
呢一檔都幾多人排隊㗎
澳門可口可樂博物館
呢檔涼茶都好耐下
最香餅家
呢隻喵一行過就扮中槍
搭巴士去氹仔
澳門威尼斯人
呢條電梯係去官也街
官也街
無嘢買...
澳門巴黎人酒店
巴黎鐵塔
係酒店搭車到呢到唔知邊到就會有車去港珠澳大橋澳門口岸
之前係呢到落車去澳門，家下就係返呢到上車返香港
港珠澳大橋香港口岸
欣澳站 - 返到香港喇....
